Шоу биз

Џек Блек како „ѓаволскиот“ Дедо Мраз, во филм режиран од браќата Фарели

Пред околу 10 години, браќата Боби и Питер Фарели го издадоа последниот заеднички филм - третиот дел од приказната „Глупавиот и поглупавиот“ (Dumb and Dumber To). Сега повторно заедно сработија филм, и тоа - Божиќна комедија.

Замислата за филмот „Драг Дедо Мраз“ (Dear Santa) се јавила пред 15-тина години, но требало подолго време за тој да се комплетира.

- Овој филм е „долго-обликувачки“, како и сите наши филмови. Патем, на „Глупавиот и поглупавиот“ му беа потребни пет години за да биде направен. За „Има нешто околу Мери“ сценариото беше старо 10 години кога го преработивме... Им требаше малку време за да стигнат до крајот. Таков е случајот и со овој, објасни Питер за „Ентертејнмент викли“ (Entertainment Weekly).

Питер Фарели, заедно со Рики Блит, го напиша сценариото. Откако сите биле задоволни со тоа, Боби се согласи да режира.

Приказната го следи малиот Лијам Тарнер (го глуми Роберт Тимоти Смит), кој сè уште верува во Дедо Мраз. За да им докаже на сите свои пријатели кои не веруваат дека тој постои, тој му пишува писмо на легендарниот човек и го повикува да се покаже. Но, наместо кон Дедо Мраз (Santa), писмото e упатено до Сатаната (Satan). „Нечестивиот“ (Џек Блек), кој никогаш не добил писмо од дете, е „поласкан“ и оди да го запознае Лиjам...

Според режисерот, Џек Блек бил првиот и единствен избор.

- Во секое време, има малку палавост за него, но е исклучително симпатичен. Тоа е, просто - Џек. Никогаш не сакавме да правиме хорор-филм или слично. Сакавме сѐ тоа да биде смешно... Џек е нашиот совршен човек за тоа, појасни Боби Фарели.

„Драг Дедо Мраз“ ќе се прикажува во кино од 25 ноември оваа година.

Македонија

Вреди: ДУИ го изгласа Законот за јазиците иако Венецијанската комисија ја оспорила законитоста

На пладне во пак, во Скопје, се собраа лидертите на коалиција ВРЕДИ... 

ДУИ ја манипулира јавноста со наводна заштита на албанскиот јазик, глумат спасители на Законот за јазици, но единствената цел им е да создадат меѓуетнички тензии- вака коалицијата Вреди го оценува протестирањето на опозиционерите пред Уставниот суд. На состанок на кој беа присутни лидерите на четирите партии и министрите од редовите на коалицијата, констатирале дека ДУИ е неподобна партија кога се работи за интересите на Албанците, особено за прашањето за Законот за употреба на јазиците, за кој велат дека од почеток е со аномалии токму по вина на ДУИ. Ставовите во нивно име ги пренесе пратеничката Саранда Имери..

„ Партијата која има поединци на црни листи не може да тврди дека ја брани албанската кауза, едно со друго не оди. Тие го испратија законот до Венецијанската комисија која ја оспори законитоста на три клучни членови. Откако сфатија дека ќе бидат во опозиција преку инсталациите во Уставниот суд сакаат да предизвикаат меѓуетнички тензии за да избегнат одговорност за нивните корумпирани поранешни функционери. И сега со шатори сакаат да се претстават како спасители на албанскиот јазик. “

И ВМРО-ДПМНЕ го делат истиот став, дека ДУИ прави дефокус од одговорност поради сторен криминал од позиција на власт. Се работи за политички маневар, но владата нема да дозволи никаква опасност по мирот, велат од владејачката партија.

„ ДУИ 20 години бира судии, точно ги знаат правните процедури, и како одлучува Уставниот суд, но и покрај тоа одбраа да приредуваат политички циркус, за да го одвлечат вниманието од јавноста од тоа што 20 години ја крадеа државата. Наместо да седат на ладно, подобро ќе биде да се реформираат како партија, зошто бргу од денес доаѓаат локални избори, да не им се случи уште поголемо изненадување.

Вчера и премиерот Мицкоски изјави дека со стратешките партнери се во постојана комуникација и разменуваат информации за актуелните случувања. Тој уверува дека нема да се дозволи дестабилизација на државата и затоа граѓаните не треба да се грижат.

Свет

Се судрија воени хеликоптери на Турција, меѓу загинатите и генералот Иса Бајдили (ВИДЕО)

Во сударот на два хеликоптери на турските вооружени сили загинале шест лица, јавуваат медиумите, прецизирајќи дека несреќата се случила во провинцијата Испарта.

Несреќата се случила за време на тренинг лет: хеликоптер Бел UH-1 се судрил со друго летало по полетувањето од аеродромот Сулејман Демирел и се урнал во областа Кечиборлу.

Гувернерот на Испарта, Абдула Ерин изјави дека во несреќата загинале пет припадници на армијата, но подоцна било потврдено дека како последица на повредите загинал и шестиот воздухопловец, пренесува турскиот портал Сабах.

Тој додаде дека меѓу загинатите е и бригадниот генерал Иса Бајдили, командант на военото училиште за летање во Испарта.

Другиот хеликоптер вклучен во несреќата слетал безбедно без повредени во него. Надлежните воени власти започнаа истрага за причините за судирот.

Македонија

ВМРО-ДПМНЕ: Сите 9 судии на Уставен се избрани од 2018 до февруари 2024

Сите 9 судии на Уставен се избрани од 2018 до февруари 2024, кога во судството жареше и палеше ДУИ и СДС.

Дел од судиите во Уставен суд беа жестоки извршители на политички прогон против ВМРО-ДПМНЕ и како награда седнаа на тие места.

Поигрување со интелегенцијата на народот е циркузот на ДУИ пред Уставен. Нема судија во Уставен кој не е избран од нив.

Доколку имаат проблем со Уставен, само треба да седнат на коалициски состанок со СДС и веднаш ќе го решат, се разбира со тоа ќе ја отповикаат претходната насока која сами ја издале.

Самиот чин од одлучување по прашањето за Законот, до одлуката е веќе искоординиран од СДС и ДУИ.

Судството е последното упориште на криминалците од СДС и ДУИ, кои сега се обидуваат преку злоупотреба на националистички теми да бидат актуелни во јавноста.

Владата на ВМРО-ДПМНЕ заедно со меѓународните партнери ја следи во целост ситуацијата и нема да дозволи обиди на политички криминалци да и нанесат штета на државата, се наведува во партиската реакција на наводите на Бујар Османи од ДУИ.

притисни ентер