Формула

Пилотите на Формула 1: Време е да бидеме третирани како возрасни

Возачите на Формула 1 бараат Меѓународната автомобилска федерација (ФИА) да ги третира како возрасни, откако неколку возачи беа казнети за вулгарности во последните недели, пишуваат германски медиуми.

Тие го советуваа и претседателот на организацијата, Мохамед Бен Сулејем, да внимава со сопствениот јазик.

Меѓу казнетите е и светскиот шампион Макс Верстапен, кој на прес-конференција во Сингапур со непристоен збор ја опиша состојбата на својот автомобил. Бен Сулејем во интервју за „Аутоспорт“ пред несреќата изјави дека возачите имаат голема одговорност пред луѓето. Тој побара од нив да престанат да пцујат на тимското радио и да престанат да се однесуваат како рапери.

Седумкратниот светски шампион Луис Хамилтон од Мерцедес го повика Верстапен да не ја плаќа казната и рече дека има „нијанса на расизам“ во зборовите на Бен Сулејем. Синдикатот на Гран-при возачите (ГДПА), чиј директор е вториот пилот на Мерцедес, Џорџ Расел, сè уште размислува како да постапи, но ја искористи својата платформа за да го критикува претседателот на ФИА.

-Постои голема разлика помеѓу пцовките наменети да навредат некого и пообичните што луѓето често ги користат во лоши временски услови или за неживи предмети како што се нашите автомобили. Тие се користат и во одредени ситуации при натпревар“, пишува во отвореното писмо на ГДПА.

Оттаму го повикаа претседателот на ФИА да размисли за сопствениот тон и јазик кога зборува за возачите на Формула 1 во јавна средина.

-Членовите на нашата организација се заштитно лице на најпопуларниот автомобилски спорт. Тие се гладијатори и на секој тркачки викенд приредуваат одлично шоу за поддржувачите. Последно, но не и најмалку важно, членовите на нашата организација се возрасни. Не треба да добиваат инструкции од медиумите за нештата кои се толку тривијални како накитот или долната облека што можат да ја носат, се додаба.

Токму Хамилтон има стара караница со Бен Сулејем, откако пред Големата награда на Британија во 2022 година, натпреварувачот беше принуден да отстрани пирсинг пред да влезе во пилотската кабина на болидот на Мерцедес. Тој го повика Верстапен да не ја плаќа казната, а од ГПДА објаснија зошто.

-ГДПА постојано се спротивставува на парични казни. Тие не се соодветни за нашиот спорт. Во последните три години, постојано баравме од претседателот на ФИА да сподели детали за стратегијата на централата со казни. Што се случува со овие пари и каде се трошат тие? Паричните казни му штетат на имиџот на нашиот спорт. Уште еднаш го повикуваме претседателот на ФИА на транспарентност и директен дијалог со нас, додаваат од организацијата.

Македонија

Вреди: ДУИ го изгласа Законот за јазиците иако Венецијанската комисија ја оспорила законитоста

На пладне во пак, во Скопје, се собраа лидертите на коалиција ВРЕДИ... 

ДУИ ја манипулира јавноста со наводна заштита на албанскиот јазик, глумат спасители на Законот за јазици, но единствената цел им е да создадат меѓуетнички тензии- вака коалицијата Вреди го оценува протестирањето на опозиционерите пред Уставниот суд. На состанок на кој беа присутни лидерите на четирите партии и министрите од редовите на коалицијата, констатирале дека ДУИ е неподобна партија кога се работи за интересите на Албанците, особено за прашањето за Законот за употреба на јазиците, за кој велат дека од почеток е со аномалии токму по вина на ДУИ. Ставовите во нивно име ги пренесе пратеничката Саранда Имери..

„ Партијата која има поединци на црни листи не може да тврди дека ја брани албанската кауза, едно со друго не оди. Тие го испратија законот до Венецијанската комисија која ја оспори законитоста на три клучни членови. Откако сфатија дека ќе бидат во опозиција преку инсталациите во Уставниот суд сакаат да предизвикаат меѓуетнички тензии за да избегнат одговорност за нивните корумпирани поранешни функционери. И сега со шатори сакаат да се претстават како спасители на албанскиот јазик. “

И ВМРО-ДПМНЕ го делат истиот став, дека ДУИ прави дефокус од одговорност поради сторен криминал од позиција на власт. Се работи за политички маневар, но владата нема да дозволи никаква опасност по мирот, велат од владејачката партија.

„ ДУИ 20 години бира судии, точно ги знаат правните процедури, и како одлучува Уставниот суд, но и покрај тоа одбраа да приредуваат политички циркус, за да го одвлечат вниманието од јавноста од тоа што 20 години ја крадеа државата. Наместо да седат на ладно, подобро ќе биде да се реформираат како партија, зошто бргу од денес доаѓаат локални избори, да не им се случи уште поголемо изненадување.

Вчера и премиерот Мицкоски изјави дека со стратешките партнери се во постојана комуникација и разменуваат информации за актуелните случувања. Тој уверува дека нема да се дозволи дестабилизација на државата и затоа граѓаните не треба да се грижат.

Свет

Се судрија воени хеликоптери на Турција, меѓу загинатите и генералот Иса Бајдили (ВИДЕО)

Во сударот на два хеликоптери на турските вооружени сили загинале шест лица, јавуваат медиумите, прецизирајќи дека несреќата се случила во провинцијата Испарта.

Несреќата се случила за време на тренинг лет: хеликоптер Бел UH-1 се судрил со друго летало по полетувањето од аеродромот Сулејман Демирел и се урнал во областа Кечиборлу.

Гувернерот на Испарта, Абдула Ерин изјави дека во несреќата загинале пет припадници на армијата, но подоцна било потврдено дека како последица на повредите загинал и шестиот воздухопловец, пренесува турскиот портал Сабах.

Тој додаде дека меѓу загинатите е и бригадниот генерал Иса Бајдили, командант на военото училиште за летање во Испарта.

Другиот хеликоптер вклучен во несреќата слетал безбедно без повредени во него. Надлежните воени власти започнаа истрага за причините за судирот.

Македонија

ВМРО-ДПМНЕ: Сите 9 судии на Уставен се избрани од 2018 до февруари 2024

Сите 9 судии на Уставен се избрани од 2018 до февруари 2024, кога во судството жареше и палеше ДУИ и СДС.

Дел од судиите во Уставен суд беа жестоки извршители на политички прогон против ВМРО-ДПМНЕ и како награда седнаа на тие места.

Поигрување со интелегенцијата на народот е циркузот на ДУИ пред Уставен. Нема судија во Уставен кој не е избран од нив.

Доколку имаат проблем со Уставен, само треба да седнат на коалициски состанок со СДС и веднаш ќе го решат, се разбира со тоа ќе ја отповикаат претходната насока која сами ја издале.

Самиот чин од одлучување по прашањето за Законот, до одлуката е веќе искоординиран од СДС и ДУИ.

Судството е последното упориште на криминалците од СДС и ДУИ, кои сега се обидуваат преку злоупотреба на националистички теми да бидат актуелни во јавноста.

Владата на ВМРО-ДПМНЕ заедно со меѓународните партнери ја следи во целост ситуацијата и нема да дозволи обиди на политички криминалци да и нанесат штета на државата, се наведува во партиската реакција на наводите на Бујар Османи од ДУИ.

притисни ентер