Македонија

„Science@FEEIT“ конгрес посветен на ваштачка интелегенција во Скопје

Над 100 студенти од техниките факултети од земјава и регионот ќе учествуваат на научен конгрес “Science@FEEIT”, во Скопје.

Вештачка интелигенција, машинско учење, техники за длабоко учење и други актуелни теми од областа на инженерските науки се темите кои ќе бидат во фокусот на научен конгрес “Science@FEEIT”, која ќе се одржи од 9-12 мај 2024 година во Скопје.

Над 100 студенти од техничките факултети од земјата и регионот се веќе пријавени на „Science@FEEIT”, кој е во организација на Факултетското студентско собрание (ФСС) на Факултетот за електротехнички и информациски технологии (ФЕИТ) при Универзитетот Св. Кирил и Методиј. Во рамките на конгресот покрај најновите научни истражувања, дел од активностите ќе бидат посветени на зајакнување на регионалната соработка помеѓу академските заедници. Покрај тоа, на „Science@FEEIT” ќе се одржат и презентации и работилници од водечките компании во земјава, со што ќе се презентираат можностите за вработување и ќе се придонесе за поголема соработка помеѓу академската и деловната заедница. Годинава Science@FEEIT за прв пат ќе биде организиран на регионално ниво и ќе учествуваат и претставници на техничките факултети од регионот.

Водечките спонзори на “Science@FEEIT”, Македонски Телеком, ЕВН и Инфинеон, во рамките на конгресот ќе имаат свои работилници на кои ќе ги презентираат новите трендови и иновации во своите индустрии, како и можностите за вработување. Поддршка на “Science@FEEIT” даде и Нетцетера, како спонзор и малите спонзори: Цементарница УСЈЕ, Мако Сигре, Витаминка АД, Кнопперс, Тчибо кафе и Смајл гами.

Поддржувачи на конгресот се Универзитетското студентско собрание при УКИМ, Инженерската Институција на Македонија и Китановски & Д2ЕМ.

На конгресот на тема „Преглед на техники за длабоко учење за мрежни системи за откривање на упад“, свое излагање ќе имаат д-р Марко Порјазоски, редовен професор на ФЕИТ и м-р Гоце Стевановски, раководител на лабораторијата за дигитална форензика и наставен соработник на Воената академија „Михајло Апостолски“ и на Универзитетот „Гоце Делчев“ од Штип. „Сијамски невронски мрежи за следење на луѓе“ е втората тема, а најновите истражувања од оваа област ќе ги презентираат проф. д-р Зоран Ивановски и м-р Елена Василева од ФЕИТ. Давор Тодоровски магистер по комуникациски системи, воедно и архитект на решенијата на Виасат како и ФЕИТ алумни ќе зборува на темата „Од ФЕИТ до вселената: Развивање на нов хибриден комуникациски систем за ултра доверливо поврзување“. За поврзаноста и значењето на „Науката, музиката, спортот и бизнисот како животен стил во инженерскиот свет“ ќе зборува Михаил Китановски, интернационален бизнис и менаџмент консултант и ФЕИТ алумни.

Покрај тоа на конференцијата на посебен панел ќе се дискутира и за исклучително актуелната тема „Етички импликации како пристрасност, приватност, безбедност и алгоритамска транспарентност во системите што користат вештачка интелигенција“. На оваа тема во рамките на панелот ќе зборуваат проф. д-р Христијан Ѓоревски од ФЕИТ, проф. д-р Ѓорѓи Мацаров од ФИНКИ, Александар Камиловски основач и извршен директор на „Карбула“ и Мартин Поповски Tech лидер на генеративна ВИ во Нетцетера.

“Science@FEEIT” е платформа која служи за размена на иновациите во науката, најновите истражувања во областа на техничките науки и зајакнување на партнерствата и соработката помеѓу професорите и студентите. Покрај тоа оваа платформа има за цел и градење на цврсти мостови помеѓу студентите и деловната заедница и поголемо вмрежување. Преку овие активности “Science@FEEIT” придонесува за подигнување на квалитетот на стручни знаења но истовремено се подобрува квалитетот на кадарот на пазарот на труд. Покрај “Science@FEEIT” Факултетското студентско собрание активно работи и на организација на неколку други настани посветени на посебни сегменти од електротехничките науки какo “Tech@FEEIT” и “Applied@FEEIT”, а се работи за препознатливи научни настани со неколку годишна традиција.

Свет

Во Индија почна петтата од седумте фази на парламентарните избори

Во Индија денеска почна петтата фаза од парламентарните избори од вкупно седум, а се одржуваат во финансискиот главен град Мумбаи и големите индиски држави Утар Прадеш и Одиша.

Во петтата фаза 89,5 милиони гласачи избираат 49 пратеници.

Изборите почнаа рано утринава за да им се овозможи на гласачите да ги избегнат жештините бидејќи Индија ја погоди топлотен бран.

Парламентарните избори во Индија почнаа на 19 април, право на глас имаат 968 милиони Индијци, што е повеќе од вкупното население на САД, Европската Унија и Русија заедно.

Изборите за 543 членови на Долниот дом на парламентот се одржуваат во седум фази до 1 јуни на повеќе од еден милион избирачки места низ земјата. Гласачките ливчиња ќе се пребројуваат на 4 јуни, а резултатите ќе бидат објавени истиот ден.

Македонија

ПОЦ: За седум дена санкционирани 191 непрописно паркирани возила во Центар

За седум дена санкционирани се 191 возачи, чии возила го попречувало нормалното и безбедно одвивање на сообраќајот во Општина Центар.

Како што информираат ЈП Паркинзи на Општина Центар и Општина Центар, во периодот од 13 мај до 19 мај 2024 година со помош на специјалните возила „пајак“ на ЈП ПОЦ отстранети се 102 непрописно паркирани возила.

Со поставување на механичко средство „блокатор“ санкционирани се 89 возила кои биле затекнати на резидентни паркиралишта, а не биле корисници-резиденти на секторот во којшто биле паркирани.

- За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот, се наведува во соопштението.

Свет

Путин: Раиси беше вистински пријател на Русија

- Како вистински пријател на Русија, тој даде непроценлив личен придонес во развојот на добрососедските односи меѓу нашите земји, вложувајќи големи напори да ги доведе до ниво на стратешко партнерство, се наведува во телеграмата на Путин.

Рускиот претседател Владимир Путин денеска испрати телеграма со сочувство до врховниот лидер на Иран, ајатолахот Сејед Али Хамнеи, во врска со смртта на иранскиот претседател Ебрахим Раиси и други ирански функционери и членови на екипажот во хеликоптерска несреќа.

Путин изјави дека смртта на Раиси е „огромна трагедија“ што го снајде народот на Исламската Република Иран, додавајќи дека Раиси бил исклучителен политичар кој целиот свој живот го посветил на служење на својата земја и „вистински пријател на Русија“, пренесува Интерфакс.