Од хрватските власти нема официјално објаснување, но образложението на дел од адвокатите кои го застапуваа пред судовите во државава е дека добиениот азил во земја членка на Европскта унија гарантира азил во сите земји кои се дел од Унијата.
Докторантот на катедрата за казнено право при правниот факултет во Загреб, професорот Андреј Божиновски објаснува дека секој кој добил азил во земја членка на ЕУ може слободно да се шета низ шенген зоната, но не смее да се вработува во друга држава освен во онаа која му дала азил.
Според професорот Божиновки, Груевски би бил уапсен само доколку се обиде да влезе на територија на земја која не е дел од шенген зоната.
Од Министерството за правда пак објаснуваат дека по информацијата за апсењето, не побарале екстрадиција затоа што Груевски бил веднаш ослободен, односно не бил во екстрадициски притвор.
-За Грујевски, како и за било кој друг кој е предмет на меѓународна потерница се бара екстрадиција по добиена информација по службен пат од тамошните државни власти, односно хрватските институции.
Официјално, од Хрватска, немаме никаков допис за ова лице.Единствено известување имаше од МВР кое исто така даде и дополнителни информации поврзани со ова име, - Министерство за правда.
Според првичните информации, Грујевски бил во посета на неговиот син кој студира во Хрватска, а бил пуштен откако лица од грчката амбасада во Хрватска го посетиле и побарале негово итно ослободување. Според информациите, тој во меѓувреме стекнал и грчко државјанство.
Горан Груевски, заедно со неговиот колега Никола Бошковски, избегаа во Грција во 2017 година, каде што побараа политички азил по обвиненијата против нив во случајот „Таргет-Тврдина“ на поранешното Специјално обвинителство, поврзан со нелегалното прислушување во Македонија.