Свет

Екс премиерот на Малта е обвинет за корупција, случајот го истражуваше и убиената новинарка

Поранешниот премиер на Малта, Џозеф Мускат, е обвинет за корупција во врска со скандалот, кој го истражуваше и познатата новинарка Дафне Каруна Галиција.

Како што пренесува „Гардијан“, освен за Мускат, обвинението е покренато и против гувернерите на Централната банка на Малта, како и против вицепремиерот. Тие се обвинети во врска со скандалот околу приватизацијата на болниците.

Мускат е обвинет за примање мито, корупција во јавните служби и перење пари, соопшти агенцијата АФП. Обвиненијата против него ги нарече „фантазија и лаги“, тврдејќи дека е жртва на политичка одмазда.

Заедно со него се обвинети и Крис Фарне, вицепремиер, кој требаше да биде следниот еврокомесар и Едвард Шикулна, поранешен министер за економија и актуелен гувернер на Централната банка на Малта. Тие се обвинети за измама и проневера.

Фарне, кој беше министер за здравство во времето на скандалот кога беше приватизирана болницата, рече дека „апсолутно нема сомнеж дека судот ќе утврди нешто друго освен неговата целосна невиност“. Шикулна не го коментирал обвинението, но претходно негирал дека направил нешто незаконско.

Се очекува да бидат обвинети уште најмалку двајца високи владини функционери. Обвинението е дел од долгорочната истрага за одлуката на лабуристичката влада од 2015 година, на чело со Мускат, управувањето со три јавни болници да го префрли на приватната компанија „Виталс глобал Хелткер“ како дел од зделката чија вредност се проценува на четири милијарди евра.

За овој скандал информираше и Дафне Каруна Галиција, позната истражувачка новинарка од Малта, која беше убиена во експлозија на бомба поставена под нејзиниот автомобил во 2017 година. Фондацијата формирана во нејзино име по смртта на новинарката објави дека оваа пресуда „докажува дека нејзиното истражување за наместена приватизација било точно“.

Смртта на Дафна Каруна Галиција предизвика голем шок на мирниот медитерански остров. Опсежната независна истрага во 2019 година покажа дека владата не учествувала во атентатот, но дека државата мора да сноси одговорност за создавање „култура на неказнивост“.

Малтешкиот премиер Роберт Абела, кој го наследи Мускат на чело на Лабуристичката партија, изрази сомнеж во истрагата за корупција, наведувајќи дека обвинението е покренато еден месец пред изборите за Европскиот парламент. Тој посочи дека „естаблишментот“ се обидува да го „украде суверенитетот“ на раководството на Малта.

„Секој ќе има можност да утврди дали истрагата почнала со претпоставка на вина. Се надевам дека тоа не е така“, рече тој.

Како одговор, Бернард Грек, лидерот на опозициската Националистичка партија, го обвини Абела дека избрал „да застане на страната на агресорот наместо жртвите и дека ги избрал своите колеги наместо Малта и Малтежаните“.

Свет

Избори во Индија: Комисијата патувала 7 часа за да може да гласа семејство, помогнала војската

Пет луѓе од исто семејство во зафрлено хималајско село денеска гласаа на изборите во Индија на сопствено избирачко место, откако официјалните лица патувале седум часа за да им дозволат да го дадат својот глас, позајмувајќи ја струјата од војската.

Вчера, официјалните лица ја подигнале опремата за гласање во Лех, главниот град на хималајската федерална територија Ладах, и се качија во автобус за 180-километарското патување до Варша, каде единствените гласачи беа 23-годишната Ринчен и нејзините родители и баба и дедо. .

Лоциран на околу 20 километри од глечерот Сијачен, бојното поле на највисока височина во светот каде Пакистан и Индија се судираат со децении, Варши е достапен по пат, но нема струја, нема интернет и нема амбуланта.

Кога генераторот што го носеле се расипал, службениците се обратиле до индиската армија за помош.

„Оваа област е единствена. Владата отвори избирачко место само за една куќа“, рече претставникот на изборната комисија Фончок Стобдан.

Ринхен, која сега првпат гласа, се надева дека нејзиниот глас ќе помогне и да се реши проблемот со недостигот на инфраструктура.

Индија гласа во седум фази на изборите кои започнаа на 19 април, а треба да завршат на 1 јуни.

Денеска штотуку започна петтата фаза од гласањето.

Забава

Во Тексас се собрале 706 мажи со име Кајл, но недоволно - рекордот останува во Босна (ВИДЕО)

Уште еден обид на градот Кајл во Тексас да го собори светскиот рекорд за најголем собир на луѓе со исто име не успеа и покрај тоа што 706 мажи по име Кајл од сите возрасти се појавија во парк во предградието на Остин.

Рекордот го држи градот Купрес во Босна, кој собра 2.325 Ивани во 2017 година, според Гинисовата книга на рекорди, пренесе АП.

Ова не е прв пат мажите по име Кајл да се обидат да го победат Иван.

Минатата година, во градот кој се наоѓа на околу 90 километри јужно од Остин, главниот град на американската сојузна држава Тексас, се собраа 1.490 мажи по име Кајл.

Кајл не е едно од најпопуларните имиња во САД, според Администрацијата за социјално осигурување, која годишно ги следи имињата што им се даваат на девојчињата и момчињата во секоја американска држава.

Најновите податоци покажуваат дека Кајл бил рангиран на 416-то место меѓу машките имиња во 2023 година, додека Иван, за споредба, бил рангиран на 153-то место.

Регион

Косовската полицијата со пушки упаднала и затвориле 6 филијали на Поштенската штедилница

Шест филијали на Поштанска штидиница во четири општини на северот на Косово денеска ги затвори косовската полиција, врз основа на извештајот на „институцијата за финансиски мониторинг“.

„Косовската полиција по пријави од институции за финансиско следење, како Управата за финансиско разузнавање и Централната банка на Косово, заедно со Даночната управа на Косово, врз основа на овластување на надлежниот обвинител, спроведува полициско дејствие во трезорот на Поштанската штидилница банка и уште пет филијали на истата, кои незаконски работеа на овој простор на Република Косово“, се наведува во соопштението на косовската полиција на Фејсбук.

Како што се наведува, операцијата „минала без проблеми“, а целта на операцијата е „воспоставување ред и законитост“.

Претходно денеска членовите на косовската полиција со пушки и панцири упаднаа во подружниците на Поштанска штединица во Косовска Митровица, Звечан, Зубина Поток и Лепосавиќ, додека граѓаните се обидуваа да ги подигнат пензиите, социјалната помош и други средства, јави дописникот на Танјуг.

Полицијата упадна и во зградата на Управата за финансии во Косовска Митровица.

Кога полицајците влегле во зградите, странките кои биле во просториите на штедилницата биле исфрлени од зградата, додека работниците биле приведени, а пред сите четири филијали има полицајци вооружени со долги цевки.

Покрај тоа, припадници на специјалните единици се распоредени на неколку точки на улиците кои водат до банките.

Во околината на Поштенската штедилница во Звечан има и полициски службеници на ЕУЛЕКС, како и возило на грчкиот Кфор.

притисни ентер