Македонија

Ковачевски: Откажувањето не е опција за нас, не е време за откажување

Прес конференција одржа претседателот на СДСМ , Димитар Ковачевски.

Денес е тежок удар за европската перспектива, но, се уште не е доцна да се смени правецот, откажувањето не е опција за нас, ние никогаш нема да се откажеме од европската иднина за Македонија, порача претседателот на Социјалдемократскиот сојуз на Македонија, Димитар Ковачевски, во вечерашната изјава за медиуми.

Во изјавата Ковачевски посочи дека , дека денешниот ден е тежок удар за европската перспектива, но дека ќе продолжи да биде на терен со граѓаните и ќе работи за добивање на поддршката за европска иднина на државата.

„Имаме две недели да ја испратиме пораката до ској град, до секое село, до секоја куќа, до секој човек, дека единствениот начин за вистинска и суштинска промена е европската интеграција на земјата. Знаеме дека луѓето се уморни од европскиот пат. Знаеме дека многу луѓе сметаат дека ЕУ не ги одржа своите ветувања. Но, нема друга опција освен земјата да биде дел од ЕУ, и не постои друг пат освен патот на европските интеграции. Време да ги ставиме на страна сите разлики и да се обединиме зад идејата за европска Македонија.Мора да ги оставиме на страна сите несогласувања. Тука ние зборуваме за иднината на земјата и ако ја пропушриме шансата, овој пат, ќе треба далеку многу повеќе време да ја вратиме земјата на вистинскиот пат. Знам дека многу наши поддржувачи се разочарани, но сега не е време за откажување, имаме уште две недели. Јас ќе бидам на терен секој ден со вас, сите тука позади мене ќе бидат на терен секој ден и ќе работиме за да ја добиеме поддршката за европска Македонија“, порача Ковачевски.

Во изјавата за медиуми, Ковачевски, потенцираше дека нема откажување од иднината и дека борбата за европска Македонија продолжува.

„Ние нема да се откажеме и нема да ги наведнеме главите.Ќе продолжиме да се бориме сѐ додека не победиме. И сакам да упатам порака и до претседателскиот кандидат Стево Пендаровски, поддржан од граѓаните но и од Коалицијата за европска иднина - ова е заедничка борба, ќе се бориме заедно, рамо до рамо, затоа што ова е најважната битка за македонската иднина.Нашата цврста и одлучна борба за европска Македонија продолжува и на 8-ми мај кога не очекува вториот круг од претседателските избори, како и изборите за пратеници во републичкото собрание. Се гледаме за две недели, да живее европска Македонија“, порача претседателот на СДСМ, Димитар Ковачевски.

Шоу биз

Мик Џегер на концерт во Лујзијана го прозва гувернерот за инклузија- експресно му одговори

Англискиот пејач Мик Џегер (80) накратко зачекори во политиката на американската сојузна држава Луизијана, упатувајќи вербален „удар“ до конзервативниот гувернер на државата.

Англискиот пејач Мик Џегер (80) накратко зачекори во политиката на американската сојузна држава Луизијана, упатувајќи вербален „удар“ до конзервативниот гувернер на државата, додека „Ролинг Стоунс“ настапувале на фестивал во Њу Орлеанс, пренесува АП.

Бендот ја заврши песната „You Can't Always Get What You Want“ за време на настапот во четвртокот вечерта, кога Џегер почна да зборува за инклузија, објави Асошиејтед прес, цитирајќи медиумски извештаи од Њу Орлеанс.

„Сакаме да го вклучиме и него. Дури и ако сака да нѐ врати во каменото доба“, рече Џегер за гувернерот Џеф Ландри.

Лендри (53) е републиканец поддржан од Доналд Трамп, поранешниот американски претседател и републикански претседателски кандидат, а откако беше повикан, тој му одговори на Џегер:

„Не можеш секогаш да го добиеш она што го сакаш. Единствената личност која веројатно може да се сети на каменото доба е Мик Џегер. Те сакам пријателе, секогаш си добредојден во Луизијана!“.

Македонија

Костадиновска Стојчевска од Пустец: Хероите како Гоце Делчев се нашиот патоказ кон Европа

Хероите како Гоце Делчев и нивните идеали за слобода и рамноправност се нашиот патоказ кон Европа.

Денеска, на денот на неговата херојска смрт, во Пустец ја откривме бистата на македонскиот револуционер и учител, Гоце Делчев. Таа ќе биде вечен потсетник за значењето на искрената борба во име на високите цели за напредна и независна држава.

Заедно со нашите сограѓани Македонци му оддадовме почит на еден од најсветлите ликови во нашата историја, идеолог и борец за слободна македонска држава. На дело покажуваме како заедно, од двете страни на границата, се грижиме за македонската историја и култура, и ги афирмираме македонскиот јазик и идентитет.

Зборовите на Гоце Делчев и неговата визија дека го разбира светот како поле за културен натпревар меѓу народите никогаш нема да исчезнат од нашата колективна меморија и од нашето настојување да создадеме сигурна, просперитетна и заедничка иднина.

Ние никогаш не сме се откажале ниту ќе се откажеме од делото и визијата на македонските револуционери, на оние кои биле на вистинската страна на историјата и денес наша обврска е да останеме на нивната страна.

Да живее споменот на Гоце Делчев!, објави на ФБ министерката за култура, Бисера Костадиновска- Стојчевска.

Свет

Украина објави снимка од купишта уништени руски тенкови: Пат до пеколот (ВИДЕО)

Украина објави видео на кое се гледаат 42 уништени руски тенкови и оклопни возила во источен Доњецк.

Таму се водат жестоки борби, пишува Newsweek.

Снимката од воздух ја објави украинското Министерство за одбрана. Видеото е снимено од 58 моторизирана бригада. „Патот до пеколот. Десетици руски тенкови и борбени возила се уништени на мал дел од линијата на фронтот во регионот на Доњецк“, соопшти Министерството.

Не е јасно кога точно е направена снимката. „Њузвик“ контактирал и со руското Министерство за одбрана, но немало никаков одговор.

Холандската платформа Орикс, која од самиот почеток ги следи воените загуби, тврди дека Русија изгубила 2.948 тенкови од почетокот на конфликтот. Исто така, Орикс има визуелна потврда за загубата на 797 украински тенкови.

притисни ентер