Имено, според објавената анкета на Центарот за анкетни истражувања на Меѓународниот републикански институт, Максим Димитриевски е политичарот за кој 48 посто од испитаниците во земјава дале позитиво мислење. Од нив 33 посто се изјасниле дека имаат позитивно мислење и 15 проценти многу позитивно.

За Христијан Мицковски позитивно се изјасниле за три проценти помалку испитаници, односно 45 посто, додека 46 проценти имаат негативно или многу негативно мислење.

Димитар Апасиев 31 процент го оцениле позитивно, а 54 процент од испитаниците имаат негативно или многу негативно мислење за него.

За Димитар Ковачевски само 23 проценти од анкетираните граѓани имаат позитивно мислење, а дури 68 проценти од испитанците за него искажале негативно или многу негативно мислење.

Али Ахмети и Арбен Таравари имаат позитивна оценка од 19 проценти, со тоа што кај Ахмети 10 проценти се изјасниле дека имаат многу позитивно мислење, а 9 позитивно, додека кај Таравари 5 проценти се со многу позитивно, а 14 со позитивно мислење.

Од податоците изнесени во анкетата може да се заклучи дека најнеомилен политичар во Македонија е Али Ахмети за кого 72 посто од испитаниците рекле дека имаат негативно или многу мислење за него, додека за Арбен Таравари 68 посто рекле дека имаат негативно или многу негативно мислење за него, исто како за Димитар Ковачевски.

Инаку во анкетата на Институтот се опфатени и други прашања од значење за животот на граѓаните во земјите од Западен Балкан.

На прашањето дали би го поддржале приклучувањето кон ЕУ доколку денес се одржи референдум 68 отсто од испитаниците одговориле позитивно. Но, 47 проценти од нив се сомневаат во сериозните намери на Европската унија да им понуди членство на земјите од Западен Балкан.

Испитаниците во Македонија членството во НАТО го оценуваат како позитивно за што се изјасниле 70 посто од испитаниците, од кои 32 посто како многу позитивно и 38 проценти позитивно.

Повеќето испитаници, 55 проценти, одговориле дека знаат што е иницијативата Отворен Балкан, а 48 проценти ја поддржуваат.

Резултатите од анкетата покажуваат дека 78 проценти од испитаните граѓани во земјава сметаат дека државата оди во погрешен правец. 90 проценти од анктираните граѓани се изјасниле дека корупцијата ја сметаат за сериозен проблем, од нив 72 посто рекле дека е многу сериозен, а 18 сериозен проблем.

Крадењето и лошото менаџирање се оценети како основен тип на коруптивно однесување со 26 проценти, а потоа доаѓа работењето во личен, наместо во интерес на граѓаниете со 25 посто.

Како најкорумпирани се оценети поличарите 26 посто, а потоа судството со 23 проценти. Корупцијата преовладува на државно ниво, 48 посто, додека на локално ниво неа ја перцепираат 11 проценти од ипитаниците.

Граѓаните сметаат дека нема искрена намера во институциите за борба против корупцијата. Па така 59 проценти оцениле дека ја нема во судството, 50 проценти во парламентот, исто толку сметаат дека ја нема и кај премиерот, а 42 проценти кај претседтелот.

Во однос на медиумите 11 од испитаниците рекле дека се слободни, а 42 посто дека се делумно слободни.

Информирањето за политички прашања најмногу оди преку телевизиите за што се изјасниле 52 проценти од граѓаните, а социјалните медиуми само 20 посто.

Податоците за истражувањето се собрани од 2 февруари до 5 март 2024 година од 1.220 возрасни испитаници во Македонија.

Сектор за односи со јавност

Движење ЗНАМ

Со повреди во стомакот и едната рака, останува на одделението за интензивна нега во болницата во Банска Бистрица.

-Операцијата траеше пет часа, на која беа вклучени два тима доктори. Хируршки и трауматолошки, пациентот има повеќе прострелни рани, чии последици ќе влијаат на неговото заздравување. , изјави Мириам Лапуникова, докторка во болницата.

Полицијата јавно не го соопштува ниту мотивот, ниту идентитетот на атентаторот, иако медиумите веќе го прогласија 71-годишниот словачки писател Јурај Цинтула за извршител. Проструи и наводна видео снимка од неговото сослушување во полициска станица, на која тој признава дека нападот е политички мотивиран.

-Не се согласувам со политиката на владата. Масовните медиуми се ликвидираат, зошто се напаѓа РТВС, зошто Мажак е сменет? , изјави Јурај Цинтула, наводно осомничен за атентатот.

Словачките власти алармираат да се смират политичките страсти. Миниситерот за внатрешни дури алармираше дека земјата е на праг на граѓанска војна, за што обвини дел медиумите и социјалните мрежи за ширење говор на омраза. Новоизбраниот претседател повика на разум.

-Како иден претседател, згрозен сум од степенот на омраза поради различно политичко мислење. Не смееме да одговараме на омраза со повеќе омраза, инаку ова зло никогаш нема да престане. Петер Пелегрини, новоизбран претседател на Словачка.

На удар на јавноста се најде и обезбедувањето на Фицо. Дел од експертите во Словачка избројаа неколку клучни грешки - од тоа дека бодигардите делувале некоординирано и никој од нив не скокнал да го заштити со што дозволиле напаѓачот да испука дури пет куршуми од непосредна близина. Ова уште повеќе што и самиот Фицо пред еден месец алармираше дека можеби ќе биде мета на напад.

-На улица грубо се навредуваат владините политичари, а јас само чекам оваа фрустрација, која толку интензивно ја продлабочуваат Деник Н, „Сме“ и „Актуалити“, да се претвори во убиство на еден од водечките владини политичари. Не претерувам ниту за милиметар. , изјави тогаш Роберт Фицо, премиер на Словачка (10 април).

Ова е и прв напад врз политички лидер во модерната историја на Словачка и во последните две децении во Европа. Последен пат жртва на атентат беше беше екс српкиот премиер Зоран Ѓинѓиќ во 2003-тата.

Откако синоќа беше екстрадиран од Турција и директно од скопскиот аеродром со полициска придружба пренесен во затворот во Шутка наскоро се очекува Љупчо Палевски-Палчо да го даде првиот исказ пред обвинител за убиствата на 14 годишната Вања Ѓорчевска и 74 годишниот Панче Жежовски. Палевски од ноќеска го издржува претходно определениот 30 дневен притвор. Сместен е во посебна просторија, кон која се доаѓа од посебен ходник каде нема никаков контакт со останатите притворени. Поради безбедносен ризик за него важат посебни протоколи од начинот на негово обезбедување со едни исти лица, до крилото каде се наоѓа, но и неговата исхрана. Како што информираше директорот на затворот Филип Андов при приемот Палевски не се пожалил на здравјето, а за него биле извршени редовни прегледи кои се прават како за сите притвореници.

„И за отворање на вратата, кога треба да му се отвори вратата точно се пишува време , кога е отворена и зошто и кога се затвора, се носи во посебна бања и се шета на посебно место. Ограничена е и храната, со детална проверка и сите други параметри каде што притвореното лице има право по куќниот ред да ги исполнува. Нема никаков контакт со останатите тука затворската полиција е ограничена каде што едни исти лица ќе бидат задолжени за него во постапката која секојдневно ќе ја извршува,“- Филип Андов – Директор на истражниот затвор Скопје.

Истрагата за двојното убиство за кое Палевски е првоосомничен, а која беше отворена во декември, е во завршна фаза, информираат од обвинителството, но во интерес на истражните дејствија од таму не споделуваат повеќе детали.

- „ Во однос на ова лице, јавниот обвинител презема истражни дејствија на прибавување и анализа на докази кои во оваа фаза на постапката не можат да бидат споделени со јавноста.“ – ОЈО Скопје.

За грозоморните убиства наскоро се очекува да биде поднесено и обвинение, а осомничените да седнат на обвинителна клупа во судница. Палевски се терети за две тешки кривични дела: „грабнување„ и „ убиство на свиреп начин„. Тој откако беше идентификуван како главен организатор на двете убиства кои ја шокираа јавноста во земјава, но и во регионот, избега од Македонија во Србија, па оттаму преку Бугарија во турскиот град Баликесир, каде и беше уапсен во декември минатата година и во екстрадициски притвор остана речиси пет месеци. Покрај Палевски, за двојното убиство осомничени се и Велибор Манев, Влатко Кешишов и Боре Видевски. Осомничен за помагање е и таткото на убиената Вања, Александар Ѓорчевски, кој по неколку месеци поминати во затворот во Шутка од неодамна се наоѓа во куќен притвор по одлуката на Врховен да му ја уважи жалбата.