О.Балкан и гласањето за Косово во СЕ „јаболко на раздорот“ меѓу Македонија и Србија?

Џафери од Приштина најави дека Македонија ќе го поддржи членството на Косово во Советот на Европа.

Џафери од Приштина најави дека Македонија ќе го поддржи членството на Косово во Советот на Европа, во интервју за Приштинскиот економија онлајн Џафери вели дека делегацијата на Собранието на Република Македонија ги има сите инструкции да ја поддржи иницијативата, бидејќи смета дека Косово и земјите од регионот „треба да бидат членки на сите меѓународни организации“.

„Како земја која го поддржува Косово, ги дадовме сите инструкции што треба да ги дадат нашите претставници во надлежните органи. Конкретно, во Стразбур, делегацијата на Собранието на Република Македонија ги има сите инструкции да ја поддржи иницијативата и гласот за членство на Косово“.

Вели Џафери во интервјуто.Непосредно по нивната заедничка средба и косовската претседателка Османи соопшти дека Џафери дал целосна поддршка за членството на Косово во Советот на Европа.

Речиси во истовреме во Скопје на прес конференција министерот Бујар Османи пак најави дека ќе и предложи на владата Македонија да ја напушти иницијативата Отворен Балкан, поради сомневањата дека Србија е инволвирана во инцидентот во Бањска.

За поранешниот амбасадор Јован Донев во овие чекори гледа тенденција на влошување на односите со Србија, што е најмалку потребно за регионот во актуелниот светски политички моментум.

На Парламентарното собрание во Стразбир денеска пратениците ќе се изјаснат околу документот подготвне од грчката пратеника Дора Бакојани, на што му претходеа и писмата што до европските лидери ги испрати српскиот претседател Вучиќ во кои ги повика уште еднаш да размислат за прифаќање на Косово во СЕ .

Инаку, во однос на Отворен Балкан албанскиот премиер Рама уште во декември кажа дека регионот сега треба да се фокусира на Берлинскиот процес.

Хајди Клум блесна во кожени панталони, привлече внимание со чанта од 26.000 евра

Германскиот супермодел Хајди Клум се појави на снимањето на шоуто „America's Got Talent“ во Пасадена, во кое таа е член на жирито.

51-годишната поранешна манекенка и ТВ водителка се појави во црни кожени панталони, бела маица и црна јакна. Комбинацијата ја комплетираше со црни потпетици, ланче и очила за сонце, а вниманието го привлече со раскошна чанта.

Станува збор за чанта „Hermès“, поточно моделот „Birkin Quadrille“, чија цена се движи од 27.500 до 30.000 долари (24.000 до 26.000 евра).

Да потсетиме, Хајди неодамна позираше на црвениот тепих со колешката од шоуто, актерката Софија Вергара, а со своите изданија мамеа воздишки. Инаку, Хајди е позната и како кралица на Ноќта на вештерките поради необичните костими, а неодамна објави видео во кое покажа дел од костимот за овогодинешната прослава.

Остин во разговор со Галант ја истакна потребата за дипломатско решение за заканата од Хезболах

Американскиот секретар за одбрана Лојд Остин претходно денеска разговарал со израелскиот министер за одбрана Јоав Галант, соопшти Пентагон.

Остин ја „повтори својата загриженост“ поради ескалацијата на тензиите меѓу Израел и Хезболах, се наведува во соопштението, и ја нагласи вербата на САД во „важноста од постигнување дипломатско решение што ќе им овозможи на жителите безбедно да се вратат во своите домови од двете страни на границата“.

Тој му рекол на Галант дека САД продолжуваат да вршат притисок за договор за ослободување на заложниците и прекин на огнот меѓу Израел и Хамас и ја потврдил посветеноста на САД за безбедноста на Израел. /МИА

Германија поднесе кандидатура за домаќин на женското ЕП 2029 во фудбал

Германија е кандидат за домаќин на Европското првенство во фудбал за жени во 2029 година, соопшти денеска Германската фудбалска федерација (ДФБ).

Претседателот на ДФБ, Бернд Нојендорф изјави дека германската кандидатура е „главен проект“ на федерацијата и дека ќе му даде „дополнителен поттик“ на женскиот фудбал во Германија.

Противкандидати на Германија за организација на завршниот турнир се Португалија, Данска и Шведска.

Европската фудбалска унија (УЕФА) официјално ќе го објави името на земјата домаќин во 2025 година.

Генералниот секретар на ДФБ, Хајке Улрих, ја смета Германија за „сигурен домаќин со одлична стадионска инфраструктура и одлична соработка меѓу градовите домаќини и локалните власти“.

Германија беше домаќин на Европското првенство за мажи во 2024, а го организираше ЕП за жени во 1988 година, во Западна Германија и во 2001 година. /МИА

притисни ентер