Физичката активност, заедно со здравата и урамнотежена исхрана, е камен-темелник во превенцијата и контролата на многу болести. Со оглед на огромните придобивки што физичката активност ги има за здравјето на луѓето, фармацевтите во аптеките секојдневно се трудат да им ја објаснат нејзината важност на своите пациенти и да ги мотивираат да бидат физички активни. Постојат податоци кои велат дека 2.500 чекори дневно го намалуваат ризикот од кардиоваскуларни заболувања, додека 6.000 чекори дневно го намалува ризикот од дијабетес тип 2.

Вклучувањето во физичка активност има корисен ефект врз спречувањето деменција, депресија, анксиозност, несоница, подобра контрола на крвниот притисок, зголемен капацитет за учење и го подобрува целокупното човеково здравје.

- Според Светската здравствена организација, лицата кои се недоволно физички активни имаат 20 до 30 отсто зголемен ризик од смрт во однос на луѓето кои се доволно активни, што треба да биде доволна причина за воведување на физичката активност. Луѓето кои не се физички активни имаат поголема веројатност да заболат од кардиоваскуларни болести, рак и дијабетес тип 2 Исто така, според Светската здравствена организација, повеќе од 80 отсто од адолесцентната популација во светот не е доволно физички активна, што е поразителен факт ако се земат предвид придобивките врз здравјето на луѓето кои изостануваат. Дури и лесна физичка активност придонесува за здравјето во споредба со седечкиот начин на живот – советуваат лекарите.

Еден од главните совети е да пешачите секогаш кога можете - излезете од автобус или паркирајте го автомобилот подалеку од местото каде што работите и користете ги скалите.

Иако физичката активност се препорачува за сите, вклучително и трудници, деца, стари лица и лица со хронични заболувања, важно е да се нагласи дека интензитетот на активноста мора да се прилагоди на состојбата на личноста. Од друга страна, пешачењето, возењето велосипед и другите форми на активен, немоторизиран транспорт се достапни и безбедни за сите. Фармацевтите, како најпристапни здравствени работници, имаат големо значење во советувањето и поддршката на пациентите да бидат редовно физички активни. Значењето на физичката активност за здравјето на луѓето е големо, затоа за да го заштитиме своето здравје и да придонесеме во благосостојбата на нашиот ум и тело потребно е да создадеме здрави навики и да применуваме редовна физичка активност.

Извор: srecna.republika.rs

Деменцијата е болест која ја погодува постарата популација и која за жал, го нарушува квалитетот на нивниот живот. Заболените често го губат помнењето, понекогаш во одредени моменти, а оние со тешка форма на болеста и постојано, па не ги препознаваат ни најблиските.

И покрај тоа, децата и внуците се грижат за постарите лица погодени од оваа тешка болест и се трудат да им бидат голема поддршка, особено во моментите кога се чувствуваат осамено.

На Тикток се појави едно видео со емотивна сцена во која внуката ја храни својата дементна баба. Видеото трогна многумина на мрежата. Девојката трпеливо ја принесува лажицата до устата на бабата и се случува нешто неочекувано. Имено, бабата ја препознава својата внука и почнува да плаче. Внуката се обидува да разбере што ѝ вели старицата додека солзи и се тркалаат низ лицето, и кога конечно ќе успее да изусти „те сакам“, тоа сосема ќе ја скрши внуката.

@tearchronicles Let's start our day crying 🥹♥️ #brazil #dementia #grandma #granddaughter #love #hearttouching #heartbreaking #heartwarming #emotional ♬ what was I made for? - Instrumental - Wheeler

-И јас те сакам, добро? Не плачи, бабо. Ние се грижиме за тебе - се обидува внуката да ја смири расплаканата старица.

Оваа емотивна и трогателна сцена погоди многу корисници на мрежата, и повеќето споделиле слично искуство, порачувајќи ѝ на девојката дека одлично ја чувствуваат нејзината болка и разбираат низ што поминува семејството.

- Дедо ми има деменција и знам како ѝ е.

- Посакувам сите луѓе со деменција да бидат вака згрижени и со олку љубов.

- Мајка ми имаше деменција и навистина ти се крши срцето кога не те препознаваат. Те сакам и ми недостигаш, мамо.

-Еве ме, мислам дека сум големо и силно момче, а ова е прекрасно – беа дел од коментарите.

Многумина коментираа колку целата ситуација е тажна и прекрасна истовремено. Фактот што нејзината баба ја препознава и ѝ кажува дека ја сака, за многумина е најубавото нешто и не може да се спореди со никаква материјална работа.

Од друга страна, многумина се согласија дека ова е пример како треба да се грижиме за саканите, особено кога се болни и немоќни, и дека во секој момент им е потребна поддршка.

Извор: srecna.republika.rs

Американската полиција во четвртокот на 16 мај соопшти дека мајката била уапсена откако нејзиниот син бил пронајден во страшни услови, со модринки по целото тело. Подоцна било утврдено дека тој претходно имал скршеници на две поголеми споени ребра, што укажува дека повредите настанале многу порано, пренесе Њујорк Пост.

На испрашувањето, мајката рекла дека момчето ги повредило ребрата кога паднало од скала на крајот на минатата или на почетокот на оваа година, но дека не мислела дека неговите повреди се „страшни“, поради што не го однела на лекар.

За време на лекарската проценка во болницата, медицинскиот персонал потврдил дека двегодишното дете има „модринки по лицето и телото“. Утврдено е и дека детето има две скршени ребра кои се лекуваат, а според нивните проценки, повредата настанала помеѓу десет дена и две недели пред детето да пристигне во болница, соопшти полицијата.

Несреќното момче било откриено откако полицијата на почетокот на годината по друга основа дошла да ја уапси неговата мајка.

Кога пристигнале во куќата за да ја уапсат, го пронашле нејзиниот двегодишен син во посебна спална соба во „импровизиран кафез“ направен од ограда за игра покриен со парче креветче врзано од три страни. Во соопштението за медиумите се наведува дека во кафезот немало доволно простор за детето „да застане или да излезе од кафезот“.

Полицијата сподели фотографија од мал кафез, на кој се гледаат пар сиви креветчиња врзани заедно. Околу кафезот имало расфрлано ѓубре и фекалии, се вели во полицискиот извештај, во кој се додава дека со измет бил извалкан и ѕидот до него.

„Имаше остатоци од храна.“

@faitsdiverstiktok Naesha lumpkin doit être jugée au mois de Juin! mais cela fait polimique car elle va peut être pouvoir récupérer sont enfant de 2 ans! ppfff . #enfants #cage #mere #faitsdivers #crimestories #pourtoi ♬ Disturbing Suspense-Psychological Thriller (with drama)(890116) - CHROMA

Полицијата во пријавата навела дека малото дете и кафезот биле покриени со „човечки измет и урина“.

"Имаше голем број оправдувања зошто детето беше така во тој кафез. Ниту едно од нив не беше со добра причина. Да бидам искрен, ниту едно дете не заслужува да живее така", додал О'Калаган.

Инспекторите во местото на живеење ги повикале Службите за заштита на децата од округот Ири и ЕМС во домот за да го лекуваат детето. Детето потоа било префрлено на лекување во детската болница Оишеи, соопшти државната полиција.

Според американските закони, доколку судот ја прогласи мајката виновна, таа се соочува со затворска казна до една година.