Живот

Судење на Трамп: Издавач на таблоид призна дека ја „закопал“ приказната за аферата со моделот

Издавач на таблоид призна дека ја „закопал“ приказната за аферата со моделот на Плејбој.

Дејвид Пекер, издавач на таблоидот National Enquirer, сведочеше на судењето против поранешниот претседател Доналд Трамп дека го спречил објавувањето на приказната за наводна афера за да и помогне на претседателската кампања на Трамп во 2016 година, иако написот би ја зголемил продажбата на неговиот таблоид, пренесува Гласот на Америка.

Пекер (72), на вчерашното судење се согласи со обвинителот кој го праша дали би било многу профитабилно за National Enquirer да објави приказна за тврдењата на поранешниот модел на Плејбој, Карен Мекдугал дека имала афера со Трамп во 2006 и 2007 година.

Сепак, Пекер рече дека решил да не ја објавува приказната откако и платил бидејќи тоа ќе му наштетело на републиканецот Трамп и ќе ги намалело неговите шанси да ја победи демократката Хилари Клинтон.

„Не ја објавивте приказната затоа што тоа беше од помош на кандидатот Доналд Трамп“, праша обвинителот Џошуа Стејнглас. Да – одговори Пекер“.

Издавачот претходно сведочеше дека соработувал со кампањата на Трамп и во обидот да се спротивстави на наводите за измама во време кога тогашниот претседателски кандидат се соочувал со бројни обвинувања за сексуално недолично однесување.

Пекер беше првиот сведок во случајот во кој Трамп е обвинет за фалсификување деловни документи за да ги прикрие исплатите на порно актерката Сторми Даниелс за таа да молчи за аферата. Трамп тврди дека не е виновен.

Пекер сведочеше дека неговиот таблоид платил за правата за две такви стории кои никогаш не ги објавил, а исто така го предупредил Трамп дека Даниелс се обидува да ја „продаде“ нејзината приказна за сексуална средба со него.

Одбраната тврди дека парите биле исплатени за да се заштити семејството на Трамп од срам, а не да се заштити неговата кампања. Трамп негира дека некогаш имал секс со Сторми Даниелс.

Адвокатите на Трамп се обидоа да го дискредитираат сведочењето во кое Дејвид Пекер објасни како шемата за елиминирање на негативните приказни функционирала за да се спречат наративите кои биле штетни на претседателската кампања на Трамп во 2016 година.

За време на сведочењето, Пекер ги оквалификува како вообичаени напорите на познатите луѓе да бидат проследени со добар публицитет, како и дека неутрализирал негативно конотирани приказни за други познати личности, како филмската суперѕвезда Арнолд Шварценегер и голферот Тајгер Вудс. Тој вели дека во случајот со познатиот актер, Enquirer платил стотици илјади долари на жени кои тврделе дека имале афера со него - за време на кандидатурата на Шварценегер за гувернер на Калифорнија во 2003 година.

Пекер прецизираше дека првпат го предупредил Трамп за негативно конотираната приказна уште во 1998 година, кога поранешниот американски претседател беше во брак со Марла Мејплс. Тој рече дека го смета Трамп за пријател, иако тие не разговарале од 2019 година.

Обвинителите тврдат дека аранжманот на Пекер со Трамп негативно влијаел на изборниот процес во 2016 година. Поранешниот издавач на таблоид се согласи да соработува со правосудството за да избегне кривична пријава.

Против Доналд Трамп се водат вкупно четири судски постапки.

Покрај овој случај, тој е обвинет и за незаконско ракување со доверливи документи и обид да ги сврти резултатите од изборите во 2020 година во своја полза. Во Џорџија се води постапка против него за обид да влијае на резултатите во таа сојузна американска држава.

Здравје

Вкупно 538 случаи на голема кашлица до 2 мај, регистрирани првите од Крушево

Нови 22 случаи на голема кашлица се пријавени во државава од 26 април до 2 мај.

Најголем дел од случаите се пријавени во рамките на епидемијата во Скопје - 15, па во рамките на епидемијата во Куманово - два, а пријавени се случаи и во Прилеп - два, Кичево - еден и првите два случаја од Крушево. Од новите 22 случаи, четири се хоспитализирани, наведуваат од Институтот за јавно здравје (ИЈЗ) во најновиот извештај, објавен попладнево.

Заклучно со 2 мај, во државава се регистрирани вкупно 538 случаи на голема кашлица. Тоа претставува неколкукратно зголемување на бројот на заболени во однос на изминатиот петгодишен период - од 2019 до 2023 година, кога биле регистрирани вкупно 10 случаи.

Од заболените, хоспитализирани биле 77 лица, од кои 63 на возраст до четири години. Најголем број од случаите - 53 или 68,8 отсто, се хоспитализирани во УК за белодробни заболувања кај деца во Козле. Од вкупниот број на хоспитализирани лица, 70 се испишани. Во просек, заболените биле хоспитализирани по девет дена.

Од 18 јануари до 30 април, дадени се вкупно 44.737 дози вакцина што содржи компонента против голема кашлица.

Во текот на 18. недела од 2024 година - од 29 април до 5 мај, во земјава се евидентирани 52 случаи на групни пријави за заболени од грип или заболувања слични на грипот. Заклучно со 18. недела во Република Северна М

Свет

„Политико“: Изборните резултати може да ја искомплицираат амбиција на Македонија за влез во ЕУ

- Ваквиот исходот се очекува дополнително да ја искомплицира долгогодишната амбиција на Македонија за пристапување во Европската Унија, како и нејзините односи со соседните Бугарија и Грција, оценува порталот.

Конзервативната партија ВМРО-ДПМНЕ во Македонија треба да се врати на власт по седум години, постигнувајќи голема победа на вчерашните парламентарни и претседателски избори, наведува бриселскиот портал „Политико“ во освртот на изборните резултати.

- Ваквиот исходот се очекува дополнително да ја искомплицира долгогодишната амбиција на Македонија за пристапување во Европската Унија, како и нејзините односи со соседните Бугарија и Грција, оценува порталот.

Во текстот се посочува дека иако извојуваа убедлива победа, конзервативците ќе треба да формираат коалиција за да обезбедат мнозинство во 120-члениот Парламент, бидејќи според првичните резултати имаат 59 пратеници.

Во исто време, додава порталот, претседателската кандидатката на ВМРО-ДПМНЕ, Гордана Сиљановска Давкова ќе стане првата жена носител на функцијата претседател на државата, која е главно церемонијална.

„Политико“ потсетува дека во 2018 година земјата постигна историски договор, менувајќи го името и Уставот и ставајќи крај на деценискиот спор со Грција, што и овозможи да влезе во НАТО во 2020 година.

Меѓутоа, додава порталот, во последните две години, Бугарија ја блокираше кандидатурата на Северна Македонија за ЕУ, барајќи да се измени нејзиниот Устав „за да се признае бугарското малцинство во земјата“.

- Гласачите во малата балканска земја со два милиони жители изразија фрустрација поради корупцијата, бавното темпо на реформите и бавниот напредок на кандидатурата на Северна Македонија за влез во Европската унија, заклучува „Политико“ во текстот посветен на вчерашните двојни избори во земјава.

Македонија

Митрески во недела во 12 часот ќе закаже седница за инаугурација на Сиљановска Давкова

Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот

Претседателот на Собранието Јован Митрески ќе ја закаже седницата за инаугурација на новоизбраната претседателка Гордана Сиљановска Давкова откако ќе го добие извештајот од ДИК за конечните резултати од вчерашниот втор круг претседателски избори, информираат од кабинетот на спикерот на Парламентот.

Крајниот рок до кога ДИК треба да го достави извештајот е до петок во 19 часот.

Откако ќе го добие извештајот, Митрески ќе ја закаже инаугуративната седница, која ќе се одржи на 12.05 (недела) во 12 часот.

Гордана Сиљановска Давкова пред пратениците од стариот состав треба да даде свечена изјава по која и започнува да тече нејзиниот мандат.

На 12 мај истекува мандатот на актуелниот претседател кој беше и кандидат за претседател, Стево Пендаровски.

По инаугурацијата на Сиљановска Давкова, согласно новиот собраниски Деловник, новоизбраниот парламентарен состав треба да ја одржи конститутивната седница најдоцна до 28 мај.

Мандатот на пратениците почнува да тече од конститутивната седница на законодавниот дом. Според одредбите од Уставот, новоизбраното Собрание се состанува на конститутивна седница најдоцна 20 дена по одржаните избори.

Конститутивната седница ќе трае најмногу три дена, а треба да ја свика сегашниот претседател на Собранието Јован Митрески. Доколку тој не го стори тоа, на 21 ден по изборите седницата ќе ја свика најстариот пратеник и ќе претседава со седницата до изборот на нов спикер. Претседател на новиот параментарен состав, се очекува да биде избран најдоцна на 1 јуни.

Претседателот на државата, пак, е должен во рок од десет дена од конституирањето на Собранието, мандатот за состав на Владата да го довери на кандидат на партијата, односно партиите што имаат мнозинство во Парламентот.

Мандаторот во рок од 20 дена од денот на доверувањето на мандатот, на Собранието му поднесува програма и го предлага составот на Владата. Владата, на предлог на мандаторот и врз основа на програмата, ја избира Собранието со мнозинство гласови од вкупниот број пратеници.

Според првичните резултати од вчерашните парламентарни избори што Државната изборна комисија ги објави на својата веб-страница, од обработени над 99,27 проценти од гласовите, Коалицијата „Твоја Македонија“ на ВМРО-ДПМНЕ има освоено 58 пратенички мандати во новиот 120 член собраниски состав, Коалицијата за европска иднина предводена од СДСМ ќе има 18 пратеници, Европски фронт на ДУИ 19 пратеници, Коалицијата од албанскиот опозициски блок „Вреди“ 13, а Левица и и ЗНАМ по шест.