Регион

Вучиќ: Србија на ниту еден начин не е одговорна за наводниот геноцид

Утврдено е дека Србија не е одговорна за наводниот геноцид во Сребреница, но таму секако беше извршено страшно злосторство, вели Вучиќ, а Бујар Османи, без одлука на Владата најави дека Македонија ќе биде копредлагач на резолуцијата во ОН.

„Во Сребреница секако беше извршено страшно злосторство. И не беше проблем некој да дојде и да покаже пиетет и каење. И сите беа одговорни за тоа. Само ве молам, не измислувајте и не шпекулирајте со пресуди кои не такви како што вие ги претставувате“, вели српскиот претседател

Пред меѓународниот суд на правдата во Хаг беше утврдено дека Србија на ниту еден начин не е одговорна за наводниот геноцид. Ова денеска го изјави српскиот претседател Александар Вучиќ при посетата на саемот во Мостар, коментирајќи ја резолуцијата за прогласување на 11 јули за Меѓународен ден за сеќавање и комеморација на геноцидот во Сребреница.

Одговарајќи на новинарска констатација дека Србија е прогласена за виновна пред Меѓународниот суд на правдата, затоа што не спречила геноцид во Сребреница, Вучиќ рече дека не е потребно да се замајува народот, но како што посочи дека секако во Сребреница било направено страшно злосторство, но дека Србија на никоков начин, додаде, не е одговорна за геноцид.

Според него, кога Србија ќе поднесе предлози за резолуции, како што посочи за Јасеновац, Крагуевац, Кралево, Јајинци и ногу други места, како што вели, нема да каже кој го извршил тоа.

„Претпоставувам дека Србија треба да биде среќна што во планираната резолуција за геноцидот во Сребреница не се споменуваат Србите. Па, нема да ги спомнуваме народите кога ќе ги поднесеме резолуциите за Јасеновац и Крагуевац“, вели тој.

Вучиќ рече и дека регионот е вратен пред 30 години и дека според него, сето тоа го прават оние кои рекле дека не треба да се враќаме во минатото.

„Во Сребреница секако беше извршено страшно злосторство. И не беше проблем некој да дојде и да покаже пиетет и каење. И сите беа одговорни за тоа. Само ве молам, не измислувајте и не шпекулирајте со пресуди кои не такви како што вие ги претставувате“, рече српскиот претседател.

Во својот говор на отворањето на Саемот, Вучиќ рече дека се надева дека во иднина ќе има повеќе искреност во српско-хрватските и во српско-босанските односи.

Претседателот на Република Српска, Милорад Додик изјави дека геноцидот во Сребреница не се случил, бидејќи ако било така, како што рече, немало повторно да се отвара целата приказна.

Според него, повеќе Срби биле убиени за време на опсадата на Сараево отколку што загинале во Сребреница и дека сега, како што вели сакаат да создадат мит за Сребреница.

Македонија со поддршка во ОН за резолуција да се прогласи Меѓународен ден за геноцидот во Сребреница, важно е и Србија да гласа, вели Османи

Министерот за надворешни работи Бујар Османи и кандидат за претседател на претстојните претседателски избори вчера соопшти дека Северна Македонија е коспонзор заедно со Германија, САД и други држави на резолуција во Обединетите нации за прогласување на 11 јули за Меѓународен ден за сеќавање и комеморација на геноцидот во Сребреница 1995 година и одбележување секоја година.

Одговарајќи на новинарско прашање како очекува дека ова ќе влијае на односите на нашата земја со Србија, Османи рече дека односите со која било земја можат да бидат нарушени, како што рече, затоа што осудуваме геноцид.

„Мислам дека посебно за Србија е важно да ја изгласа оваа резолуција со цел фактите да бидат признаени и промовирани бидејќи сите одлуки на меѓународните судови и тела покажуваат дека во Сребреница е случен геноцид. Сè додека се одрекува и не се признава, можноста да се повтори е сè уште веројатна. Затоа, посебно ја повикувам Србија да ја изгласа оваа резолуција, а ги повикувам и останатите земји членки на Обединетите нации да гласаат. Не мислам дека односите со која било земја можат да бидат нарушени, зашто осудуваме геноцид и бараме да се одбележи убивањето на над 8 000 цивили“, рече тој.

Резолуцијата ќе биде претставена на 17 април пред Генералното собрание на ОН, а за неа ќе се гласа на 2 мај годинава.

Шоу биз

Укинат му е притворот на Жерар Депардје- две жени го обвинија за злоставување

Францускиот актер Жерар Депардје утринава бил повикан на сослушување под обвинение за сексуален напад, а потоа бил испратен во притвор во Третото одделение на париската полиција.

Францускиот актер Жерар Депардје утринава бил повикан на сослушување под обвинение за сексуален напад, а потоа бил испратен во притвор во Третото одделение на париската полиција, за да му биде укинат притворот доцна попладнево, соопшти париската полиција.

Две жени го обвинија Депардје за сексуални напади за време на две различни снимања.

Првиот пат во 2014 година, за време на снимањето на филмот „Волшебникот и сијамските близнаци“ на Жан-Пјер Моки, а вториот пат во 2021 година, за време на снимањето на „Зелените прозорци“ на Жан Бекер, пренесува парискиот дневен весник Фигаро.

Првата жалба ја поднела дваесет и четиригодишна помошничка на филмски сет во 2014 година.

Македонија

Битиќи од Куманово: Со мултикултурализам,повисоки плати и пензии ќе го поразиме национализмот

„На парламентарните избори на 8-ми мај се одлучува за иднината на државата, Македонија е во прашање.“

„Ако дозволиме национализмот повторно да се врати, тогаш ќе се соочиме со унгарско сценарио, со изолација, враќање назад во грдото минато кога имавме заробена држава и поделено општество. Тоа е едната опција, а другата е патриотска, која нуди иднина за нашите млади и повисоки плати и пензии за граѓаните“, порача на денешните средби со жителите Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Потпретседателот на СДСМ, Битиќи истакна дека национализмот на ВМРО-ДПМНЕ е закана за ткивото на општеството, тој е опасност за европските перспективи на државата.

„ВМРО ДПМНЕ планира да го блокира напредокот кон ЕУ и со тоа да ја уништи надежта за подобра иднина, сакаат да стават крај на слободата на медиумите и повторно целосно да го узурпираат судството. За да го сокријат својот криминал и корупција нема да ги поштедат и меѓуетничките односи. Нив не ги интересира соживотот, немаат толеранција кон различните, во нивниот свет секој кој не е како нив е исклучен и дискриминиран“, рече Битиќи.

Меѓу другото, тој пред кумановчани повика на обединување на сите прогресивни сили, сите да застанат едни покрај други против ВМРО-ДПМНЕ, противникот на прогресот на државата.

„СДСМ е силна партија, подготвена да се бори за граѓаните и да ги обедини демократските гласови околу европската идеја. Нашата програма вклучува мерки за подобар живот, за соживот, за членство во ЕУ до 2030 година. Нашата програма е патриотска, а не националистичка, затоа што ние сме за повисоки плати и пензии, за мир, толеранција и меѓусебно разбирање,“ рече Битиќи.

Зборувајќи за изборната програма на СДСМ, Битиќи потсети дека патриотизмот на партијата може да се согледа во ветувањето граѓаните во наредните четири години да имаат рекорден износ на плати од 1.100 евра, додека минималната плата ќе биде 600 евра.

„Во нашиот патриотизам има место и за највозрасните, минималната пензија ќе изнесува 20.000 денари, додека просечната ќе се зголеми на 30.000 денари. Не се откажуваме ниту од младите, по 200 евра месечно во првите 12 месеци за секое прво вработување на лица до 26 години, а тоа што го ветивме на економски план изминатите 7 години, тоа и го остваривме“, рече Битиќи, се наведува во партиското соопштение.

Македонија

Костадиновска – Стојчевска: Изборите не се завршени, ја сфативме пораката на граѓаните

Коносителката на изборната листа на СДСМ, за петтата единица, Бисера Костадиновска- Стојчевска, на гостувањето на емисијата „Само вистина“ на телевизија Канал 5, кажа дека изборите не се завршени.

Коносителката на изборната листа на СДСМ, за петтата единица, Бисера Костадиновска- Стојчевска, на гостувањето на емисијата „Само вистина“ на телевизија Канал 5, кажа дека изборите не се завршени и дека граѓаните испратиле порака во првиот изборен круг, но дека СДСМ како сериозна партија ја сфатил пораката.

„Изборите се уште не се завршени нас, имаме втор круг од претседателските избори и имаме парламентарните избори на 8 мај, што значи дека ништо не е завршено. Секоја порака која што ја праќаат граѓаните сериозно ја примаме, сериозно ја сфаќаме и ја земаме во предвид затоа што ние секогаш сме биле партија на страна на граѓаните. Во ниту еден момент не го изгубивме тлото и не работиме за тесни интереси, напротив, и претходната изборна програма, и новата програма за следниот мандат во центарот ги става граѓаните“- изјави Костадиновска- Стојчевска.

Таа ја потврди поддршката за претседателот Стево Пендаровски, како политичар кој ги дели социјалдемократските вредности и државните интереси. Очекува двојна победа затоа што граѓаните на 8 мај имаат голема шанса да изберат европска и просперитетна држава.

„Имаме реформулирање на пораките што ги праќаме до граѓаните, но главно остануваат големите резултати што ги постигнавме во изминатиот мандат и она што заедно ќе го направиме во иднина. Она што го сфативме е дека секогаш кога работиме за доброто на државата, кога како приоритет ги имаме државните интереси и стратешките определби, тогаш носиме долгорочни одлуки и нормално е дека не може сите да бидат задоволни. Важно е дека најголем дел од тие одлуки за покажаа како исправни за напредокот на државата“- образложи Костадиновска – Стојчевска, во емисијата “Само вистина“.

притисни ентер