Одлуките треба да бидат соопштени до полноќ, а во зависност од тоа, ДИК ќе прави симулации дали ќе треба да има прегласување..

-Управниот суд денеска одржува јавни седници на кои ќе треба да донесе одлуки по седум тужби поднесени од коалицијата Европски фронт предводена од ДУИ а се однесуваат на решенијата на ДИК да ги поништи резултатите за седум избирачки места.

Од ДУИ тврдат дека одлуките на ДИК се обид за изборен инжињеринг, кој, како што тврдат бил договорен по политички договор на опозицијата, во кој учествувал и СДСМ.. Според нив, таргетирани се конкренти избирачки места, кои треба на Вреди да му донесат уште еден пратнеик во 6-ка, а на СДСМ еден во петка, и во двата случаи, на штета на ДУИ.

На прозивките, преку писмо до јавноста реагираа сите членови на ДИК освен претстаничката на ДУИ..

-Покрај тоа што сме лично понижувани и навредувани, исто така сме изложени и на неосновани и непримерени јавни политички притисоци и на закани за кривична одговорност поради донесените одлуки на ДИК. Следејќи го контекстот и интензитетот на нападите, прозивките и навредите, исто така сме загрижени и дека е можно истите да преминат и во лични напади на нашата сигурност.- ДИК

И од коалицијата Вреди реагираа на изјавите на Талат Џафри и Бујар Османи но и апелираа Управен суд при носење на одлуките да не подлегне на политички притисоци.

-Наодите на ДИК се многу јасни и го докажуваат она што го зборувавме од почетокот, дека ДУИ направила големи изборни нерегуларности и прекршувања, со притисоци, уцени, закани и зделки, ја манипулирала волјата на граѓаните. Сега со притисок врз судовите повторно се обидуваат да го направат истото.- стои во соопштението на Вреди.

За последните тензии на релација Скопје-Атина, колку се реални заканите на Грција за ново вето и дали воопшто досега некој го прекршил Преспанскиот договор, во живо во вестите Ивана Стојановска разговара професорот по меѓународно право и поранешниот македонски амбасадор во САД Васко Наумовски.

Ивана повели со разговорот.

Целиот разговор погледнете го во видеото.

Техничкиот министер за труд и социјална политика, Ѓоко Велковски, заедно со претставникот на УНИЦЕФ, Патриција ДиЏовани и градоначалникот на Општина Илинден, Александар Георгиевски, денeска во детската градинка „Гоце Делчев“ во општина Илинден присуствуваа на промоција на проектот: „Градење на здрави навики во исхраната кај децата од предучилишна возраст", информираат од МТСП.

-Добросостојбата на нашите деца е и ќе биде наша највисока национална, општествена и лична цел, потенцирал Велковски и додал дека здравата и безбедна храна е неопходност за подобар раст и развој на децата, особено во првите години од животот.

Во рамките на соработката со УНИЦЕФ почнала и реализацијата на проектот: „Градење на здрави навики во исхраната кај децата од предучилишна возраст", во партнерство со Асоцијацијата ЕДУЛЕНД, а активно учество во проектот земало и Здружението за одржлив развој АРЕТЕ.

-Како резултат на овој проект произлегоа едукативни обуки кој што почнуваме да ги пилотираме првично во 4 градинки за вработените во предучилишните установи, а понатаму во план е да опфатиме уште 30 градинки низ целата држава. Она што ме радува е дека на овие обуки учесници се вработените во детските градинки: директор, стручни работници и соработници, воспитувачи, негуватели и вработени во кујните каде се приготвува храната за децата. Исто така се изработи и Прирачник со насоки за здрава исхрана, рекол техничкиот министер за труд и социјална политика.

Велковски додал дека воспитувачите и негувателите од раното детство имаат клучна улога во обликувањето на здравите прехранбени навики на децата, не само преку храната што ја нудат во градинките, туку и, како што рекол, преку однесувањето што го моделираат, нивните интеракции со децата за време на оброците, дискусиите и активностите што ги преземаат со децата.

-Од овие причини, практичното унапредување на нивните професионални компетенции има големо значење, потенцирал министерот за труд и социјална политика во техничката Влада.