Технологија

Завршија „RoboMac“ и „RoboMac junior 2024“

Со финалниот натпревар во пет различни категории на Факултетот за електротехника и информациски технологии заврши овогодинешното 12-то издание на RoboMac.

На натпреварот учествуваа студенти од Факултетот за електротехника и информациски технологии - ФЕИТ, Машинскиот факултет и Факултетот за информатички науки и компјутерско инженерство, распределени во 22 тимови. Студентите Ана Софрониевска и Емилија Чешмеџиевска победија во категоријата „Robotic Arm Challange“, натпревар каде секој тим градеше кула со претходно дефиниран код. Оценувањето се базираше на освоените поени од објектите од кои е изградена кулата, скалирани во однос на нејзината висина, така што тимот кој имаше највисока кула ги добива сите освоени поени, додека секој тим со пониска кула добиваше само одреден процент од поените.

Во наредниот натпревар, со наслов „Sense the color select the line“, составен модел на автономно возило следи исцртана црна патека со пет кружни текови. Пред секој кружен тек на одредено растојание од десната страна на правецот на движење на возилото беше поставен колор маркер (црвен или зелен). Ако возилото детектира црвен маркер, треба да се движи по десната патека од кружниот тек, а ако детектира зелен маркер – да се движи по левата патека. Возилото треба да застане откако ќе детектира пет црвени маркери. Возилото на тимот во состав Анамарија Илиева, Даниел Мојсоски, Ангел Затуроски стигна до целта за најкратко време со точно детектирање на бои и со застанување на возилото во зоната на маркерот.

Колички возеа по мапа со сива боја во натпреварот „Self-racing cars“, каде почетокот и крајот беа означени со црно-бела шаховска шара. Тука победи најбрзата и најпрецизната количка, која направи четири успешни кругови на тимот Лазар Ванчов, Ива Паризовска и Елеонора Петковска.

Во категорија Chatbot challenge учесниците имаа задача да реализираат систем за гласовна команда на мобилен робот Џет Бот на македонски јазик. Задачата е тешка од повеќе аспекти: тие требаа да направат модел за препознавање на македонски јазик од нула и да го научат да работи за различни гласови, во различни акустични средини и во услови на шум и бучава. Победници во оваа категорија се студентите Максим Пановски и Илина Лефкова.

Во категоријата „AI Football“ се одвиваше фудбалски натпревар меѓу тимови од по три играчи (агенти програмирани со вештачка интелигенција). Секој од четирите тимови играа по еден натпревар со останатите меѓусебно. Победници во категоријата се: Леонид Трајкоски и Благоја Николоски.

Паралално, на ФЕИТ се одржа и Робомак Јуниор за ученици од средните училишта од Македонија, во организација на ФЕИТ и студентскиот огранок на ИЕЕЕ. На овој натпревар учествуваа 54 учесници од четврта година од 26 средни училишта од Македонија. Учениците се натпреваруваат во две категории: Автономна мобилна роботика и Паметна електроника за автономни возила. Во двете категории беа доделени златни, сребрени и бронзени медали.

Робомак 2024 се одржа по 12-ти пат, со голем број учесници, кои во неколку дена им дадоа дополнителни знаења и вештини на студентите.

Свет

На германските разузнавачки служби дозволено им е да ја надгледуваат АфД поради екстремизам

 На германската Канцеларија за заштита на уставниот поредок и понатаму и е дозволено да ја води партијата Алтернатива за Германија (АфД) како организација осомничена за екстремистички активности, одлучи Вишиот управен суд во Мунстер.

Според убедувањето на судскиот совет, постојат доволно докази дека партијата постапува против достоинството на одредени групи граѓани и против принципите на демократијата, се наведува во образложението на пресудата.

Во образложението се истакнува и дека „добар дел од АфД“ се залага на граѓаните со мигрантско потекло да им даде законски понизок статус.

Вишиот управен суд објасни и дека класифицирањето на АфД како можна екстремистичка организација не значи истовремено дека таа е навистина екстремистичка организација.

Со денешната пресуда се отфрли тужбата на АфД, која се жалеше за ставањето на партијата на листата на осомничени организации за екстремистички и противуставни цели.

Формула

Чикаго ќе организира трка во Формула 1 во 2026 година

Трка во Формула 1 за Големата награда на Чикаго треба да се појави во натпреварувачкиот календар од 2026 година. Според „Fastest Pitstop“, веќе е договорено Чикаго да биде домаќин на едно Гран при.

Конфигурацијата на патеката допрва треба да биде одобрена, но во моментов со сигурност се знае дека сцената ќе биде ноќе.

Во календарот на шампионатот, Големата награда на Чикаго ќе се одржи пред етапата во Канада.

Се очекува во наредните недели да следи официјалното објавување на трката за ГН на Чикаго и договорот со Формула 1.

Технологија

„Епл“ ги претстави новите „Ајпад про“ таблети

Американската компанија „Епл“ ги претстави новите модели на „Ајпад про“, а познавачите сметаат дека се работи за можеби највпечатливите подобрувања досега. Речиси сѐ околуу нив е ново и подобро од порано, велат стручњаците.

Новиот таблет се напојува со „М-4“ процесор што е 1,5 пати побрз од „М-2“, и до четирипатипати подобри перформанси. Делотворноста е надополнета со вештачка интелигенција. Покрај тоа, ова е и најтенкиот производ на „Епл“ воопшто - 11-инчниот модел е 5,3 мм, а 13-инчниот модел е 5,1 мм. тенок. Алуминиумската обвивка на таблетот, којашто е достапна во сребрена и „вселенско“-црна боја, е направена од 100 отсто рециклирани материјали.

Говорејќи за екраните, „Мини-ЛЕД“ и „ИПС ЛЕД“ се веќе минато и се заменети со „ОЛЕД“ технологија. Тоа ја приспособува брзината на слики меѓу 10 и 120 херци, со резолуција од 2.420 x 1.668 пиксели за 11-инчниот модел или 2.752 x 2.064 пиксели за моделот голем 13 инчи.

„Епл“ ја претстави и „Пенцил про“ верзијата со новиот сензор чувствителен на стискање, што може да се користи за брзо менување на поставките.

Новите модели на се достапни на интернет-продажба во 29 земји. Во продавниците на „Епл“ пристигнуваат на 15 мај. Во зависност од спецификациите и големината, „Ајпад про“ чини од 1.200 до 2.760 евра, конкретно во Германија.

По желба, на заштитното стакло може да се додаде нано-текстура за да се намали отсјајот и светлоста. Овој додаток чини 130 евра и е достапен само за моделите со меморија од 1 и 2 терабајти.

притисни ентер