Конкуренцијата се состоеше од паркирање на екстремно тесен простор, исто како што често се среќаваат возачите во Азија, а се покажа дека „Zeekr 007“ е подобар од луѓето зад воланот.

Паркинг просторот во кој требаше да се „стиска“ автомобилот беше широк само 2.060 mm, па беше неопходно сериозно маневрирање имајќи предвид дека „Zeekr 007“ е широк 1.900 m.

Технологијата што ја користи овој автомобил се состои од функции како „птичја перспектива“ (систем BEV), а има и можност за автоматско повлекување на ретровизорот доколку автомобилот открие дека тоа е неопходно за полесно паркирање.

Возачите успеаја да паркираат побрзо од автоматизираниот систем, но затоа технологијата за паркирање со вештачка интелигенција имаше 100% успешност, додека возачите правилно паркираа само две третини од времето (66,7% успешност).

Системот „Zeekr“ особено блескаше кога станува збор за центрирање на автомобилот во тесен простор, со кој човечките возачи управуваа само 38% од времето.

Овој тест беше направен за да се демонстрира „OS 6.1“, најновиот оперативен систем пронајден во моделот „Zeekr 007“. Компанијата исто така тврди дека нивниот систем за паркирање на автомобили поддржува голем број сценарија, со просечно време од 36 секунди.

Извор: Б92

Гнабри се повреди во средата во поразот од Реал Мадрид во полуфиналето во Лигата на шампионите и ќе ги пропушти последните два натпревари во Бундеслигата во сезоната, се вели во соопштението на неговиот клуб.

Баварците не прецизираа колку време ќе отсуствува 28-годишниот фудбалер, но за рехабилитација од ваков тип на повреда вообичаено се потребни неколку недели.

Гнабри, кој последен пат играше за репрезентацијата во ноември во поразите од Турција и Австрија, веќе неколку пати оваа сезона беше надвор од терените поради проблеми со колкот, скршеница на подлактницата, кратко боледување и проблеми со мускулите.

Германија го отвора ЕУРО 2024 против Шкотска на 14 јуни. /МИА

Тој потег, како што објави Волстрит џурнал, доаѓа на крајот на долгоочекуваната анализа на царините што беа наметнати за време на трговската војна меѓу Вашингтон и Пекинг. Тогашниот претседател Доналд Трамп воведе царини на стоки од Кина во вредност од околу 300 милијарди долари.

Официјалните лица оттогаш иницираа преглед на активностите, при што од трговскиот претставник на САД се бара да го разгледа влијанието на давачките -- првпат воведени во 2018 година -- по четири години.

Одлуката, што се очекува во наредниот вторник, според извештаите, ќе дојде додека претседателот Џо Бајден се подготвува за реванш со Трамп на претседателските избори во ноември.

Минатиот месец тој побара тројно зголемување на тарифите за кинескиот челик и алуминиум додека држеше говори во државата Пенсилванија.

Тарифната стапка за електричните возила, исто така, треба да се зголеми од 25 проценти на околу 100 проценти, се додава во извештајот./МИА