НЛБ Банка како дел од регионална Групација која оперира на 6 различни пазари во рамки на регионот на Југоисточна Европа (Словенија, Босна и Херцеговина, Црна Гора, Косово, Северна Македонија и Србија), веќе четврта година по ред го реализира проектот „Рамка за помош“. Станува збор за иницијатива која има за цел да ги помогне и промовира иновативните проекти кои го подобруваат и збогатуваат нашето општество и овој пат решаваат предизвици како што се на пример: прекумерна употреба на дигитални технологии кај младите луѓе, врсничко насилство, кршење на човековите права, родова еднаквост, сиромаштија, како и предизвици поврзани со деменција и други болести на стареењето на населението.

Веќе четврта година НЛБ Банка успева да одржи континуитет во рамки на еден цел регион. Нивната порака е дека единствено заедно можеме да се справиме со клучните предизвици со кои се соочуваме во општеството, односно дека секој треба да соработува и активно да придонесе за решенија.

Во рамките на „Рамка за помош“, оваа година се даде одлична можност на оние кои работат за доброто на луѓето, односно беа избрани 10 финалисти од нашата земја, но и на секој поединечен пазар каде што работи НЛБ Групацијата, а секој од нив ќе биде награден со финансиска и комуникациска поддршка.

Потоа, регионалната комисија ќе избере 3 победници на проектот, од 60- те финалисти од Словенија, Босна и Херцеговина, Црна Гора, Косово, Македонија и Србија. Добитниците ќе бидат објавени на 9-ти мај 2024-та година во Љубљана, а ќе добијат значајна финансиска поддршка која ќе им овозможи полесно да ја реализираат својата визија и да почнат да ги менуваат општеството и светот на подобро.

Во продолжение, Ви го претставуваме Георги Михајлов од Калчр Технолоџис со проектот Разговор.мк

Разговор.мк е платформа за грижа за менталното здравје, основана во 2020 година. Преку нашите мобилни апликации луѓето можат анонимно да пребараат над 80 лиценицрани психолози и со истите да закажат и оддржат сесија онлајн. Ова е прв и единствен ваков продукт во Македонија. Нашата мисија е да го направиме себе-откривањето јасно, лесно и пристапно за сите. 60% од корисниците преку разговор.мк за прв пат разговарале со психолог во својот живот. Нашата визија е амбициозна – да го прошириме досегот надвор од Македонија, нормализирајќи ја грижата за менталното здравје во регионите каде што е најпотребна.

Зошто е меѓу избраните?

Психолошката грижа и поддршка станува повеќе од потреба за многу поедници на различни возрасти. За жал, се уште меѓу луѓето постојат предрасуди за барање психолоша помош што доведува до зобилни девијантни појави и однесувања. Проектот го поддржувам бидејќи се работи за мобилни апликации преку кои луѓето можат анонимно да пребараат лиценицрани психолози и со истите да закажат и оддржат сесија онлајн. Мисија е да го се направи себе-откривањето јасно, лесно и пристапно за сите. Со проектот се демистифицира грижата за менталното здравје, правејќи ја достапна и помалку стигматизирана.