Огромна ајкула упадна во кафез со нуркач, се појави крв (Вознемирувачко видео)

Драматична снимка, снимена пред неколку години во близина на островот Гвадалупе, северно од брегот на Јужна Америка, повторно е ажурирана.

Го прикажува моментот кога четириметарската голема бела ајкула упаднала во заштитниот кафез додека ужаснатиот нуркач бил внатре.

Вознемирувачката снимка покажува како луѓето го отвораат кафезот додека морското чудовиште избезумено ја фрла главата наоколу, обидувајќи се да се ослободи.

Очајните луѓе не можат да му помогнат на нуркачот, а во еден момент се гледа крв. Сепак, не е од човекот, туку ајкулата ги повредила жабрите.

„Таа ја зграпчи мамката во водата, но случајно удри во страната на кафезот и заврши внатре. Удри толку силно што ја скрши металната шина“, вели авторот на видеото.

Крвавениот ѕвер на секој начин се обидувал да се ослободи, а луѓето не биле сигурни дали стигнала и до нуркачот, пренесува The Sun.

Кога конечно излета од кафезот, настана тишина. Сите чекаа да се појави нуркачот, што тој и го направи!

„Заврши на дното на кафезот, гледајќи надолу во ајкулата. Тој е многу искусен, па остана смирен“, изјавил камерманот.

Нуркачот чекал морскиот предатор да исчезне во длабочините, па мирно излегол од кафезот, без повреди.

Сончево со мала до умерена облачност, следува период на релативно топло време

До крајот на денот сончево со мала до умерена облачност. Попладне, особено во северозападните делови ќе има услови за локална нестабилност со краткотраен пороен дожд и појава на ретки грмежи.

Ќе дува слаб ветер од јужен правец, информираат од УХМР.

Максималната температура ќе биде во интервал од 17 до 24 степени.

Во Скопје сончево со мала до умерена облачност. Попладне во делови од котлината ќе има услови за појава на краткотраен пороен дожд.

Од УХМР известуваат дека следува период на сончево и релативно топло време со мала до умерена облачност. Локална појава на нестабилност со пороен дожд и грмежи се очекува кон средината на следната седмица.

Свет

Земјотрес со јачина од 6,9 степени по Рихтеровата скала го погоди југозападниот дел на Јапонија

Земјотрес со јачина од 6,9 степени според Рихтеровата скала ги погоди островите Огасавара во југозападна Јапонија.

Според соопштението на Јапонската метеоролошка агенција (ЈМА), земјотресот се случил во 17:36 часот по локално време. Потресот е регистриран на длабочина од 540 километри.

Островите Огасавара, локално познати како „Острови Бонин“, се наоѓаат на 1.000 километри југоисточно од Токио, главниот град на Јапонија, и 1.600 километри северозападно од островот Гуам во западниот Пацифик.

Македонија

Стојаноска: Да се обединиме околу ВМРО-ДПМНЕ,за конечно ДУИ и СДСМ да ги испратиме во опозиција

Носителката на листа од коалицијата Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.

Дафина Стојаноска истакна дека е време за целосно обединување на сите, без разлика на партиска, верска или национална определба. Раката на ВМРО -ДПММЕ е подадена, време е ДУИ и СДС да заминат во опозиција.

Вчерашниот мини-митинг во старо Тетово - Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.