Македонија

Пендаровски: На 8 мај имајте ги предвид иднината на вашите деца и младите

„Оставете ги партиските поделби, оставете ги етничките поделби, размислувајте како родител, размислувајте како поединец, размислувајте како приватник, размислувајте како човек. “

„Дали би му дале верба на некого кој вели дека сите договори кои ни донесоа мир и не вратија во заедницата на цивилизирани нации и држави, треба да ги смениме, да им направиме ревизија и да донесеме нешто што никој жив не знае што може да биде и со какви ефекти ќе биде“, им порача на тетовчани вечерва претседателскиот кандидат Стево Пендаровски.

Во оваа насока тој посочи дека наместо државата да се враќа во мрачното минато, во периодот од 2006-та до 2017-та година, треба да се фокусираме на економијата, бидејќи од тоа зависи дали децата ќе ни останат покрај нас или ќе бараат подобра иднина надвор од татковината.

„Невозможно е најголемиот дел од македонските граѓани да не ја препознае рационалноста на ова што го зборувам. Ме прашувате за било кој договор, јас имам одговор - тој договор е добар, овој договор е добар, ова е добро, ова е лошо. Тие немаат одговор. Три пати ги прашуваш, вели ќе направам тим од експерти, па со помош на странски експерти, па Совет на Европа, Венецијанска Комисија и по некое време, после неколку месеци...Кога бирате претседател, премиер, министер – тој мора од првиот ден да делува и да носи одлуки, а не допрва да собира експерти. Ти ако не знаеш сега што треба да направиш во однос на Рамковниот договор, Преспанскиот договор, Европската преговарачка рамка, ако допрва бараш помош од стручни експерти од странство и од дома, немој да се пријавуваш за претседател“, додаде Пендаровски.

Повикувајќи ги граѓаните на Тетово на 8 мај да го заокружат бројот 1, Пендаровски потенцираше дека на денот на гласањето треба да ги имаат предвид интересите на нивните деца и внуци, нивните лични и интересите на семејството,соопштуваат од неговиот тим.

Автомобилизам

Масерати од 750КС изгледа како Бетмобил и „лета“ со 335 км/час (ВИДЕО)

Mansory ја покажа својата најнова креација за Maserati MC20 која има неодолива сличност со Batmobile.

Познатиот тјунер објави дека MCX Pergusa е достапен во ограничен број, односно само пет примероци, што покажува колку внимание посветиле на овој дизајн бидејќи е уште поексклузивен во споредба со претходните проекти.

Нови се карбонските делови на каросеријата, промените во внатрешноста и подобрениот погон. И можеби овој модел потсетува на Mansory's MC20 Widebody, но оваа верзија има нов отвор за воздух, малку поинаква аеродинамика заедно со веќе споменатата каросерија.

MCX има поголеми доводи за воздух на предниот дел на автомобилот, бројни отвори на хаубата и браниците, а профилот открива 21-инчни предни и 22-инчни задни бандажи. Има и пошироки штитници за кал, поголеми доводи за ладење и помасивни прагови на вратите.

Назад има големо крило, хаубата е испреплетена со повеќе отвори и има двоен дифузер со четири издувни цевки.

Во традицијата на Mansory, внатрешноста може да се прилагоди според вкусот на купувачот. Презентираниот пример има портокалов и црн тапацир, безбедносните појаси се во портокалова боја и го имаат логото Mansory на нив, а златни детали ја красат централната конзола заедно со повеќе карбонски влошки.

Што се однесува до техничките аспекти, Mansory се забавуваше со електрониката на моторот и го инсталираше својот издувен систем со високи перформанси. Сега 3.0-литарскиот V6 твин-турбо мотор развива импресивни 750 КС и 880 Nm вртежен момент.

Тоа е значително зголемување од 120 КС и 150 Nm повеќе од стандардниот Maserati MC20.

MCX забрзува од 0 до 100 km/h за 2,6 секунди, што значи дека му се потребни 0,3 секунди помалку за да достигне 100 km/h во споредба со стандардниот модел. Максималната брзина е зголемена за 10 km/h на 335 km/h.

Цената за тие пет ексклузивни примероци не е позната.

Свет

Дали Ердоган ги штити терористите- над 1.000 припадници на Хамас се лекуваат во турски болници

Турскиот претседател Реџеп Таип Ердоган (70) изјави дека повеќе од 1.000 членови на милитантната палестинска организација Хамас, која многу земји ја сметаат за терористичка група, се лекуваат во болниците низ Турција.

Ердоган, како што пренесува „Гласот на Америка“, го ревидирал својот став дека Хамас е „движење на отпорот“.

Турски функционер набрзо се огласи и појасни, велејќи дека претседателот погрешил и мислел дека луѓето од Појасот Газа се лекуваат во болниците во Турција.

„Ако го наречете Хамас терористичка организација, тоа ќе нѐ растажи“, рече Ердоган по состанокот со грчкиот премиер Киријакос Мицотакис во Анкара.

Токму Мицотакис, зборувајќи за војната во Израел, го нарече Хамас терористичка организација, што очигледно го погоди Ердоган:

„Не мислиме дека Хамас е терористичка организација. Повеќе од 1.000 членови на Хамас се лекуваат во нашите болници“, рече турскиот претседател.

Сепак, турски функционер кој сакал да остане анонимен, појаснил дека претседателот генерално мислел на Палестинците од Појасот Газа, каде што Хамас е на власт, наместо на самите членови на оваа милитантна група.

„Претседателот се изрази погрешно, мислеше на 1.000 жители на Газа кои се на лекување, а не на членовите на Хамас“, рече тој.

Агенцијата Ројтерс неуспешно се обиде да го утврди потеклото, односно кои се Палестинците кои се лекуваат во Турција. Во ноември минатата година, властите во Анкара објавија дека помагаат да се евакуираат десетици ранети или повредени жители на Газа, вклучително и голем број заболени од рак и нивни придружници, откако Израел започна копнена офанзива на оваа палестинска енклава.

Забава

Наоми Кембел блесна на црвениот тепих во Кан- сите зборуваат за нејзиниот фустан (ФОТО)

 Многу ѕвезди се појавија за премиерата на Furiosa: A Mad Max Saga на Канскиот филмски фестивал. 

Меѓу нив беше и супермоделот Наоми Кембел. На црвениот тепих прошета во смела модна комбинација. Таа носеше црн фустан со прерамки со мониста. Фустанот има проѕирни делови, поради што долната облека на Наоми стана видлива.

Наоми овој пат сама прошета на црвениот тепих. Во последните неколку месеци, Наоми наводно се зближила со филмскиот продуцент Мохамед Ал Турки и биле видени заедно на неколку настани. Но, Мохамед го прескокна Кан.

Furiosa: A Mad Max Saga беше премиерно прикажан на Канскиот филмски фестивал. Во него, меѓу другите, играат и Крис Хемсворт, Ања Тејлор-Џој и Том Бурк.

Се чинеше дека публиката го сака новиот акционен филм, а екипата доби неверојатни шестминутни овации. Ања беше пресреќна од реакцијата на толпата, додека Крис изгледаше многу емотивно.

„Работевме многу напорно на овој филм и ќе биде интересно да видиме што ќе направите од него. Ви благодариме“, изјави режисерот Џорџ Милер по премиерата.

притисни ентер