Македонија

Ристовски: Ќе поднесеме резолуција за црвените линии на македонскиот национален интерес

„На 8 мај секој пред да го заокружи бројот на гласачкото ливче длабоко да размисли кому ќе ја даде довербата во периодот пред нас. “

Ние како коалиција „Храбро за Македонија“ како ИНТЕГРА македонска конзервативна партија, која е составен дел од таа коалиција, заедно со ГРОМ и со ПЦЕР најавуваме дека веднаш во македонскиот парламент ќе поднесеме резолуција со која ќе се дефинираат црвените линии на македонскиот национален интерес. Во тие црвени линии ќе бараме владеачките партии и сите останати партии во македонскиот парламент вкчучително и партиите на албанската етничка заедница и на останатите малцински етнички групи да го потврдат македонскиот идентитет, да ја потврдат македонската државност, да ја потврдат државотворноста на македонскиот народ во татковината Македонија“, рече од Ѓорче Петров, претседателот на ИНТЕРГА и носител на листата во ИЕ2 на Коалицијата Храбро за Македонија.

„Со таа семакедонска резолуција во парламентот, Брисел ќе мора да сфати и да прифати дека тој македонски пркос, таа македонска ревност за македонското во Македонија ќе мора да биде основата на која ќе се водат идните преговори со Брисел. Дали тоа ќе го прифати Бугарија или не, тоа не зависи од нас. Ќе бараме македонско национално единство по тоа прашање, ќе бараме согласност од сите политички партии кои се прегрупираат за коалиција на власт, ако тие ја сакаат и ја почитуваат татковината Македонија, ако се лојални граѓани на Македонија, тогаш ќе мора да застанат рамо до рамо со македонскиот народ во неговите барања за сочувување на македонскиот национален идентитет во преговиорите со Брисел“, рече Ристовски.

„Нека не ве лажат сите дека доколку не прифатиме промена на уставот ќе запрат преговорите со Брисел. Не. Ние и сме потребни на Европската Унија и Брисел исто толку колку што тие ни се потреби нам. Ако Европа ја донесеме дома, ако го качиме стандардот на населението и квалитетот на животот со сите оние генерални цели и приоритети што ги нуди ИНТЕГРА како дел од Коалицијата Храбро за Македонија, ако сите ги прифатиме мерките и инструментите на владините политики и стратегиите и владините политики кои ги нудиме ние со програмската платформа на овие избори, тогаш Македонија за брзо ќе отвори нов економски инвестициски циклус, ќе го крене стандардот на населението, ќе го крене квалитетот на животот, новосоздадената вредност на ниво на годишен бруто домашен производ ќе биде мултиплицирана во периодот пред нас“, порача Ристовски.

„На 8 мај сакам да размислите длабоко пред да го дадете гласот за било кого. Давајќи го гласот за ИНТЕГРА-македонска конзервативна партија, во Коалицијата Храбро за Македонија, вие гласате за квалитет на живот кој ќе значи богат и просперитетен граѓанин, богата и просперитетна Македонија. Заокружувајќи го бројот 3, вие ние давате нас политичка моќ во парламентот да бидеме бедем и бастион на македонскит национален интерес, да се бориме за татковината Македонија исто така како што се бориме во изминативе пет години на политичката сцена во Македонија. Се што сме кажале „да“ останало „да“ до денес, се што сме кажале „не“ останало „не“ до денес, оттука нашиот збор тежи како планина. И во парламентот ќе се бориме жестоко и ревносно за македонскиот национален интерес без да загрозиме ничиј друг интерес на ниту една душа човечка, независно дали од албанската етничка заедница, или од ромската или од останатите малцински етнички групи. Затоа ве повикувам на 8 мај, гласајте за бројот 3, заокружете број 3 и дадате глас за богата и просперитетна Македонија, настапете храбро за Македонија, уште похрабро на овие избори на 8 мај за да докажеме дека македонскиот народ умее да размислува со своја глава и умее во парламентот да изгласа вистинска опција која што ќе се бори за нивните интереси“, кажа Ристовски, се наведува во партиското соопштение.

Регион

Најмалку четворица мигранти загинаа во сообраќајна несреќа во Хрватска

Во сообраќајна несреќа кај Сињ во Хрватска утрово загинаа четири лица за кои полицијата се сомнева дека се мигранти, а уште неколку се повредени.

Како што јавија хрватските медиуми помеѓу загинатите е и дете на 14-годишна возраст.

Според медиумите, за време на полициската потера од Триљ кон Брназ, автомобил „Ауди“ со унгарски регистарски таблички, бегајќи од полицијата, поради несоодветна брзина удрил во ѕид од трафостаница при што загинале четири лица. Во сплитската болница се пренесени пет лица со тешки повреди меѓу кои и дете.

Сплитската полиција соопшти дека патничкото возило излетало од патот, а потоа удрило во ѕид.

Култура

Објавена книгата „Блаже Конески – македонски тестамент“ на Свето Стаменов

 Од печат излезе книгата „Блаже Конески – македонски тестамент“ на политиколог, новинар и публицист Свето Стаменов. 

Книгата е своевидна збирка на радио-разговори реализирани на брановите на Македонското радио – Радио Скопје во чест на стогодишнината од раѓањето на Блаже Конески – основоположник на современата македонска култура.

На 590 страници Б-5 формат објавени се 37 интервјуа со истакнати македонски и странски универзитетски професори, лингвисти, слависти и македонисти – врвни познавачи на животните и творечки врвици на Блаже Конески, од кои 28 беа реализирани во текот на 2021 година – Годината во чест на Конески, во рамките на редовните програми „Актуелно“ и „Радио спектар“ на Македонското радио – Радио Скопје, а девет разговори беа реализирани во годините пред Годината во чест на Конески, односно во периодот од 2017 до 2020 година во авторскиот проект „Quo vadis“ и во програмата „Актуелно“.

Во книгата со свои видувања за животните врвици и дело на Блаже Конески се застапени проф. д-р Васил Тоциновски, две интервјуа, проф. д-р Вера Стојчевска Антиќ, четири интервјуа, проф. д-р Искра Пановска Димкова, проф. д-р Лидија Тантуровска, Тони Гламчевски, проф. д-р Атанас Вангелов, проф. д-р Ана Витанова Рингачева, проф. д-р Димитар Пандев, седум интервјуа, академик проф. д-р Влада Урошевиќ, проф. д-р Златко Крамариќ, проф. д-р Весна Мојсова Чепишевска, две интервјуа, проф. д-р Елена Јованова Грујовска, проф. д-р Људмил Спасов, пет интервјуа, проф. д-р Лилјана Макаријоска, проф. д-р Ана Мартиноска, проф. д-р Агим Пољоска, проф. д-р Трајан Гоцевски, проф. д-р Максим Каранфиловски, проф. д-р Милан Јазбец, доц. д-р Бобан Карапејовски, д-р Славчо Ковилоски и Атанас Конески.

Покрај тоа, книгата, која излезе со финансиска поддршка на Министерстото за култура, е збогатена и со рецензиите на проф. д-р Васил Тоциновски, проф. д-р Вера Стојчевска Антиќ, проф. д-р Димитар Пандев, проф. д-р Милан Јазбец, Љубен Конески и доц. д-р Бобан Карапејовски.

„Блаже Конески – македонски тестамент“, авторот ја посветува во знак на огромна благодарност и вечен спомен на неговата животна сопатничка Искра Чоловиќ, доајен на македонското спикерство, новинар и истакнат македонски публицист, автор и коавтор на 14 книги.

Инаку, Свето Стаменов, како свој прилог кон сеопштото одбележување на стогодишнината од раѓањето на Блаже Конески, во 2021 – годината во чест на Конески, заедно со проф. д-р Вера Стојчевска Антиќ ги приреди зборниците на трудови „Навраќање кон Конески“ и „Уште едно навраќање кон Конески“, во кои беа објавени осумдесетина трудови на македонски и странски автори посветени на ликот и делото на великанот Блаже Конески. На стогодишнината од раѓањето на Конески беше посветена и неговата двотомна книга „Јазикот – нашата единствена комплетна татковина“, која содржи 50 интервјуа посветени на македонскиот современ јазик.

Регион

Приштина го „конкретизираше“ ветувањето, се обврза на воспоставување на ЗСО

Приштина го „конкретизираше“ ветувањето, во писмо до Советот на Европа се обврза на воспоставување на ЗСО.

Во писмото до претседателот на Парламентарното собрание на Советот на Европа, Владата на Косово се обврза да подготви нацрт-статут за Заедницата на српски општини (ЗСО), односно за здружување на општините со српско мнозинство.

„Владата на Република Косово во писмото се обврзува да подготви нацрт за воспоставување механизам за самоуправување, координација и соработка на општините со српско мнозинство на Косово, кој ги исполнува наследените меѓународни обврски на Косово, ги исполнува потребите на граѓаните на српската заедница на Република Косово, но во исто време го почитува Уставот во целина, како и секој негов детал, и сите закони на Република Косово, како и принципите на Советот на Европа“, објави Mинистерката за надворешни работи на Косово, Домника Гервала на својот Фејсбук профил.

Предлог-статутот на здружението на општините со српско мнозинство, додаде таа, служи на целта на владата за интегрирање на заедниците, но и за спроведување на законите на Косово во сите општини.

притисни ентер