Македонија

Состојба на патиштата

Сообраќајот на државните патишта се одвива непречено, по наместа влажни коловози. 

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

РАБОТИ НА ПАТ:

Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај мост на река Шемница на Државен пат Р1101 км 85+903, делница Прилеп - Битола", и тоа од 27.03.2024 ќе има целосно затворање на делницата.

На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.

Започнувајќи од 11.12.2023 год. ќе биде изменет режимот на сообраќај на магистралниот пат A3, делница Прилеп - Битола поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните работи.

Започнувајќи од 05.12.2023 год. е изменет режимот на сообраќај на државен пат A2, делница Тетово - Гостивар во двата правци на движење поради изведување на геотехнички истражувања на коловозот. Времениот режим на сообраќај ќе се одвива согласно одобрен сообраќаен проект. Времениот режим на сообраќај е со важност од 6 месеци, односно се до завршување на градежните.

Oд 24.11.2023 година од 16:00 часот режимот на сообраќајот на делницата од автопатот А-1, Куманово – ГП „Табановце“поточно кл.Куманово-кл.Кр.Паланка, десната сообраќајна лента за присилно запирање и застанување ќе биде затворена за сообраќај во должина од 500м, додека сообраќајот ќе се одвива по сообраќајната лента за возење и претекнување.

ГД Гранит АД Скопје известува дека согласно ново издаденото одобрение за времен режим на сообраќај поради изведување на градежни работи на Автопат А4, делница ГП "Блаце" - Скопје (клучка "Стенковец") Подделница 1 – од 08.11.2023 г. постоечкиот локален пат до с. Блаце од магистраниот пат А4 пред граничниот премин ќе биде затворен, а пристапот до с.Блаце ќе биде обезбеден по привремен пат пред граничниот премин, согласно поставената сообраќајна сигнализација. Останува и претходно воспоставениот времен режим на сообраќај согласно кој на 2 км пред граничниот премин "Блаце" на местото на изведување на градежните работи сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.

На 07.11.2023 година од 13:00 ч. извршена е времена измена на режимот на сообраќајот на делницата од Автопат А1, Пeтровец – Катланово - рехабилитација со проширување на автопатот А1 (лево и десно коловозот во двата правца) во должина од 6000 м, сообраќајот ќе се одвива по новоизградената коловозна лента (Катланово - Петровец) двонасочно, со вертикално поставена сигнализација, додека коловозната лента Петровец - Катланово ќе биде затворена за сообраќај.

Oд 24.10.2023 година ќе се започне со реконструкција на регионалниот пат 1301 (Охрид-Свети Наум). Сообраќајот ќе се одвива непречено и ќе биде регулиран со содветна сообраќајна сигнализација.

ГД Гранит АД Скопје известува дека согласно издаденото одобрение за времен режим на сообраќај на Автопат А4, делница ГП "Блаце" - Скопје (клучка "Стенковец") Подделница 1 - проширување на постоен пат А4 од ГП "Блаце" до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин "Блаце" од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна соорбаќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Oд 11.9.2023 г. воспоставен е времен режим на сообраќај во тунелот на патниот правец Блаце – Скопје, поради изведување на градежни работи – санација на тунелот. Поставена е светлосна сигнализација со наизменично пропуштање на возилата.

БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.

Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено со ограничување на максимална брзина до 30 км/час.

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Почнувајќи од 06.03.2023 г., на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.

Поради изведување на работи на експресниот пат од Градско до Дреново на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

На патниот правец Градско - Прилеп се изведуваат градежни активности и затоа препорачуваме внимателно возење и прилагодена брзина на движење.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ИНФОРМАТИВЕН ЦЕНТАР АМСМ

Тел. (02)15-555

Македонија

Љупчо Ристовски и Петар Богојески во „Само вистина“

Вечерва во „Само вистина“ гости ќе бидат Љупчо Ристовски и Петар Богојески.

Забава

Животот во раскошниот дом го замениле со автобус (видео)

 – Овој пар има 7 деца, сите живеат на тркала

Нивниот живот е динамичен и сакаат да го поминуваат во патување.

Познато е тврдењето дека секому му е потребен безбеден дом и покрив над главата, а тоа обично подразбира стационираност на едно место. Иако многумина посакуваат постојан сопствен дом, други со задоволство го менуваат за поскромни и поедноставни услови. Ова големо семејство докажа дека трошоците за живот не мора да се секогаш големи, туку дека понекогаш времето е пари и она што го доживуваме во животот.

Едно деветчлено американско семејство одлучило својот раскошен дом да го замени со автобус.

@jdandbritney

(null)

♬ original sound - AmericanFamilyRoadTrip

- Порано мислев дека, ако имам големо семејство би требало да имам и поголема куќа. Како просторот да е клучен за детето да израсне во успешна и добро ситуирана личност. На децата им е потребно вашето време. Имавме голема куќа, но таа бараше одржување и ни беше товар, ни го одземаше драгоценото време што го имавме за себе. Се одлучивме за поинаков пристап кој ни дава максимална можност за квалитетен живот - значајни искуства, развој на карактерот, учење и градење на односи – навела мајката на седумте деца во објавата на Инстаграм.

Таа истакнала дека за да го постигнете тоа не ви е потребно да живеете во голема куќа, туку како нив, во автобус.

Нивниот мобилен мини-дом има сè што му е потребно на целото семејство. Тие редовно споделуваат моменти од автобусот со лицата што ги следат на Инстаграм и Тикток.

Автобусот е на два ката и ги има сите неопходни елементи за функционирање на едно семејство. Децата имаат свои кревети, брачниот пар има свој заеднички кревет, како и кујнски елементи. На видеото објавено на Инстаграм може да се види како децата имаат свое катче за учење и одмор, така што буквално ништо не им недостасува.

Имаат када, туш кабина, топла вода и сите придружни елементи во бањата. Како што наведува оваа инфлуенсерка во описот на објавата, на нејзиниот сопруг му биле потребни осум месеци да го направи овој автобус, да го регистрира, да го осигура, но тие уште од почетокот имале свој оригинален дизајн. Засега во тој дом ги посетила само нејзината мајка, која рекла дека одлично спиела и дека ѝ било убаво.

Ова семејство привлекува големо внимание кај луѓето на Инстаграм, но многумина ги напаѓаат родителите поради тоа што ги ограничуваат децата на толку мал простор.

-Што ќе правите кога децата ќе станат тинејџери?

- Планирате да се усидрите некаде?

- Овие деца ќе бидат сè поголеми и поголеми, и автобусот нема да биде доволен.

- Не можам да преживеам во простор за кампување од 40 квадрати со петчлено семејство, хаха

- Ова е лага... нема шанси да се сместите со сите тие деца во овој автобус - беа дел од коментарите.

Многумина ги критикуваат овие родители дека не се грижат соодветно за семејството и дека децата немаат приватност, и дека овој потег е многу себичен од страна на родителите. Мајката на прозивките одговорила дека не мора да ги имаат сите одговори од денес до утре и дека засега совршено уживаат во својот подвижен дом кој им овозможува да посетат многу земји потполно бесплатно и многу поволно, така што засега немаат намера да се сместат на некое место.

Извор: srecna.republika.rs

Живот

Пет години ги чекал новите сопственици

Беспомошно куче го наоѓа својот нов дом по пет години чекање.

Потребно му било време да се адаптира на новиот дом.

За едно семејство голема е среќата и радоста кога ќе добие домашно милениче. Иако повеќето вдомуваат миленик од продавница за миленичиња, сепак има и такви кои се одлучуваат да покажат хуманост и да вдомат напуштени кучиња или мачки овозможувајќи им дом каков што посакуваат.

На социјалните мрежи, се појави видео со едно беспомошно 11-годишно куче, кое било вдомено по 5 години чекање.

Иако пронаоѓањето нови сопственици најчесто е гаранција дека кучето ќе добие бескрајна љубов и грижа од нивна страна, како што во видеото и покажуваат новите сопственици, сепак кучето откако се нашло во новата средина, меѓу туѓинци, се однесувало крајно исплашено и несигурно.

-Три недели не сакаше да се појави во нашата дневна соба. Првите чекори навистина му беа несигурни, како на бебе. Го носевме на плажа бидејќи тоа беше единственото место каде што сакаше да биде. Сакавме да го доживее светот, но имаше плускавци на нозете, па му беше тешко да се движи. Сепак, беше љубопитен и само се туркаше напред - изјавила сопственичката.

Флеш, како што го нарекуваат кучето, набргу некако успеал да се прилагоди на својот нов дом. Иако на почетокот кучето било плашливо и резервирано, сега наоѓа друштво во играчките низ куќата кои му привлекуваат внимание, но им се придружува и на другите кучиња што сопствениците ги чуваат.

Овие играчки кучето ги носело со себе во креветот, а подоцна преминало и на обувките. Секогаш кога сопствениците го губат далечинскиот управувач, Флеш е тука да го најде и да го донесе. Флеш, како што открива неговата сопственичка, е посебно куче на многу начини во споредба со другите кучиња, и ја добил сета љубов што ја чекал со години од своите нови сопственици.

Видеото било објавено од страницата „Geo Beats Animals“, а Флеш им привлекол големо внимание на луѓето кои биле пресреќни што конечно го пронашол својот дом. Според коментарите на луѓето, осаменоста за животните е подеднакво тешка како и за луѓето.

- Ви благодарам што му дадовте живот каков што го заслужува.

- Измамивте насмевка на неговото, но и на моето лице.

- Ви благодариме што му дадовте шанса да ужива во доцните години. Луѓето кои вдомуваат постари кучиња се посебни луѓе.

- Гледајќи го него толку среќен ми се насолзуваат очите - беа дел од коментарите.

Сопственичката открила дека помеѓу нив и кучето се создала силна врска, така што и најмала разделба понекогаш им причинува проблем.

-Кога се качуваме горе на катот, макар и за минута, почнува да плаче и штом ќе не види повторно, се радува и скока од радост. Едноставно е среќен што нè има како друштво - додала таа.

Сопственичката преку видеото покажала како ова некогаш осамено куче ги поминува деновите со нив, чекајќи ги пред врата кога се враќаат од работа, потоа додека шетаат со него и се дружат дома во дворот. Таа признава дека Флеш е совршен за нив и дека се среќни што го пронашле. Освен тоа, бидејќи семејството на напуштеното куче му пружило дом каков што заслужува и се врзале за него, таа признава дека Флеш никогаш повеќе нема да биде осамено куче.

Извор: srecna.republika.rs

притисни ентер