Велосипедска тура „Експедиција низ срцето на Илинден 2024“

Во општина Илинден и годинава се одржува велосипедска тура „Експедиција низ срцето на Илинден 2024“ епизода II, која е во организација на Здружението МТБ Илинден, а со поддршка на Општина Илинден.

На настанот учествуваат над 150 велосипедисти од целава земја, а стартната позиција беше од пред спортската сала Гоце Делчев во општина Илинден, каде присуствуваше и градоначалникот на општина Илинден, Александар Георгиевски кој им посака успешно возење.

Велосипедската тура се вози по асфалтен и земјен пат низ пределот на општина Илинден во должина од околу 45 километри. Турата се вози групно со попатни паузи, кај местото наречено Борчиња, манастирот во Дељадровци, манастирот во Бучинци, крстот во Бучинци, манастир кај Ајватовци и крајната цел спортската сала Гоце Делчев. Оваа велосипедска тура се класифицира како средно тешка и потребна е претходна физичка подготвеност за да се стигне до целта.

Покрај велосипедската тура ќе се одржи и едукативна работилница за деца поддржана од Вело училишта наменета за децата од основните училишта.

Исто така, настанот е од хуманитарен карактер, со цел поддршка во собирањето средства за лекувањето на Алексеј Анастасовски.

-Со оглед на тоа што овој настан се одржува втора година по ред и има голем интерес кај велосипедистите, поддршката ќе ја има и понатаму од Општина Илинден, велат општинските власти.

Дневен хороскоп за 13. мај 2024 година

Дневен хороскоп за понеделник , 13 мај 2024 година. 

Бик 21.4- 20.5.

Љубов

Некои ќе решаваат како да ја зацврстат врската. Она што го замислиле доследно ќе го спроведат на дело.

Кариера

Средствата што ви стојат на располагање или што сте ги заработиле, денеска ќе сакате да ги потрошите на нешто убаво

Здравје и совет

Знаете што сакате.

Близнаци 21.5.-21.6.

Љубов

Денеска ќе ви се наметнат ситуации за да поработите на нов начин на изразување и однесување кон личности од спротивниот пол .

Кариера

Одличен ден за деловни патувања, состаноци или преговори. Работите ќе ви одат од рака.

Здравје и совет

Полни сте со елан.

Рак 22.6-22.7.

Љубов

Леснотијата со која ќе ги изразувате чувствата , ќе ве зачуди Се ќе покажувате и повеќе од јасно.

Кариера

Вработените во самостојни професии денеска ќе решаваат како да ја продолжат кариерата.

Здравје и совет

Движете се и уживајте.

Лав 23.7-22.8.

Љубов

Можно е денеска да се решите за мали промени на некои заеднички навики , со кои ќе ги освежите меѓусебните односи

Кариера

Нема да заборавите ниту еден детал. Ќе се потрудите да ја разубавите работната средина.

Здравје и совет

Здрави сте и се грижите за здравјето.

Девица 23.8.-23.9.

Љубов

Оние кои имаат врска на далечина , денеска ќе решаваат за иднината. Ќе бидете конструктивни.

Кариера

Ќе утврдите дека ви е важна една соработка со странци повеќе отколку што сте мислеле.

Здравје и совет

Стабилно.

Вага 24.9.-23.10

Љубов

Веројатно ќе ја анализирате вашата врска и ќе најдете мотив работите да тргнат во нова насока.

Кариера

Истражете ги новите деловни миожности преку преговори. Не треба сеуште да дефинирате , но може да се информирате.

Здравје и совет

Бидете трпеливи.

Шкорпија 24.10-22.11.

Љубов

Веројатно подлабоко ќе се замислите и ќе го преиспитате вашиот статус во врската. Обидете се да бидете што пообјективни.

Кариера

Работи поврзани со естетика или со изразување на емоции денеска ќе ви бидат во прв план.

Здравје и совет

Можна е главоболка.

Стрелец 23.11.-21.12.

Љубов

Веројатно најдобро ќе се чуствувате заштитени во својот дом. Денеска нема да ве интересираат излегувања.

Кариера

Нема да ви се работи , зашто ќе ви недостига енергија и мотивација. Сепак, она што морате , одработете го професионално.

Здравје и совет

Не претерувајте со колачи и благо.

Јарец 22.12.-20.1.

Љубов

Ќе ви се чини дека љубовта е далеку од вас , па дури и ако сте во врска. Ќе се засили копнежот и спомените.

Кариера

Во текот на денот најверојатно ќе ви стане јасно во кој правец ја развивате кариерата.

Здравје и совет

Ве чека подобро утре.

Водолија 21.1.-19.2.

Љубов

Оние Водолии кои се во тајна љубовна врска, денеска ќе се најдат пред промена на статусот.

Кариера

Би можеле да препознаете нешто што не го гледаат другите и да делувате во таа насока. Некој можеби нема да ве разбере.

Здравје и совет

Некои бараат нова терапија.

Риби 20.2.- 20.3.

Љубов

Имате отворен дух и може да лесно да освојувате . Оние кои имаат партнер , се подготвени се да споделат со него

Кариера

Студентите решаваат битни прашања, Учениците постигнуваат резултати, стипендистите носат одлуки за стипендии.

Здравје и совет

Следете ги своите идеи

Овен 21.3-20.4.

Љубов

Не се откажувајте од заведување и страст , па дури и ако партнерот ви е повеќе од верен. Тоа едноставно е ваш стил

Кариера

Ќе почувствувате голема поддршка од вашите колеги . Тоа обврзува и ја провоцира вашата одговорност на работа.

Здравје и совет

Победувате во битка.

Едноставен и лесен трик што ќе ве воодушеви, а ќе изгледате како да сте посетиле фризер!

За жените кои не знаат како да се фенираат...

Една корисничка на Инстаграм споделила како бргу да ја стилизирате вашата коса.

Стилизираната и бујна коса е желба на секоја жена, но бидејќи времето е кратко, а обврските бројни, жените речиси и немаат време да посетат фризер, а од друга страна, многумина не се вешти во фенирањето, па повеќето се принудени да бараат друго решение. Стоењето пред огледало со четка и фен во рака не ѝ се допаѓа речиси на ниту една жена бидејќи не само што ѝ одзема време, туку и нема да ја обликува косата како што сака.

Ако сте меѓу оние дами кои не знаат да се фенираат, немаат време за тоа или причината е нешто сосема друго, една „инфлуенсерка’ понуди одлично решение што ќе ги воодушеви сите дами. Сара Садија покажа како со помош на чорап го решава проблемот со стилизирање на косата за само минута-две.

На видеото, девојката покажува како ја врзува косата во опавче, потоа прска лак за коса, па зема еден памучен бел чорап и постепено ја завиткува косата со него од врвот на опавчето до коренот, и на крај го врзува чорапот и со него ја покрива „пунџата“. Вака врзаната коса ја остава некое време, а кога ќе го извади чорапот од косата, таа добива бујна коса со крупни кадрици.

На бујната и убаво обликувана коса таа нанесува капки за коса со кои ја стилизира фризурата без многу труд.

Фризурата ги воодушеви лицата што ја следат на оваа социјална мрежа кои навеле дека ќе го пробаат овој трик. Оваа инфлуенсерка им открила на дамите дека користела балсам во спреј за коса, но и дека обична вода делува одлично. Сара, инаку, на Инстаграм споделува трикови и идеи за стилизирање на косата и шминкање, како и општо разубавување.

Една од корисничките на мрежата изјавила дека оваа техника ја користи уште од 80-тите години и дека ѝ го дава токму тој изглед. Други дами признале дека ги испробале сите можни начини да направат слична фризура, но главно, неуспешно. Повеќето се согласиле дека овој трик со чорапот не само што дава одлична фризура и целосно автентичен изглед, туку ви заштедува време и струја.

притисни ентер