Автомобилизам

Двајца Индијци се скараа, па едниот му го запалил Ламборџинито на колегата (ВИДЕО)

Резултат на кавгата меѓу двајца Индијци е уништено Ламборџини.

На видеото се гледа Lamborghini Gallardo целосно зафатено во пламен. Пожарот бил подметнат среде бел ден, а како што информираат од полицијата дошло до расправија меѓу двајца дилери на половни автомобили.

Немилиот настан се случил пред неколку дена во градот Хајдерабад во Индија, недолго по расправијата меѓу двајца продавачи на автомобили. Кавгата, наводно, настанала поради несогласувањата околу провизијата во некои претходни препродажби на автомобили, во кои предност добил Неерај, сопственикот на Ламборџини.

Неерај изјавил дека се сретнал со другиот продавач, Ахмед, кој по расправија му го запалил автомобилот среде бел ден. На видеото се гледа автомобилот во пламен, а единственото добро е што пламените јазици не ги загрозуваат другите учесници во сообраќајот. Последните информации велат дека Ахмед, осомничениот за запалување на автомобилот, се уште е во бегство.

Да потсетиме дека Gallardo беше произведен помеѓу 2004 и 2014 година, а го наследи Huracan. Го придвижува V10 мотор кој произведуваше 570 КС и 540 Nm во најмоќната верзија.

Свет

Мерчан нема милост: Трамп е казнет со 9.000 долари за непочитување на судот (ВИДЕО)

Судијата Хуан Мерчан изјави дека поранешниот претседател на САД, Доналд Трамп е казнет со 9.000 долари поради прекршување на забраната за коментирање на сведоците.

Обвинителите го обвинија поранешниот претседател дека постојано ја прекршувал наредбата да не ги коментира сведоците, барајќи од судијата да го казни со 1.000 долари по коментар, објави Гардијан.

Според судскиот налог, Трамп не може да дава, или да наложува други да даваат, јавни изјави за сведоци поврзани со нивната улога во истрагата и судењето, пред обвинителите, освен окружниот обвинител на Менхетен, Алвин Брег и членовите на судскиот персонал или персоналот на окружниот обвинител.

Трамп може слободно да го критикува Мерчан, иако тоа веројатно нема да му се допадне на судијата, кој ќе одлучи за неговата казна доколку поротата го прогласи за виновен.

Пред судењето, Мерчан ја прошири забраната за коментари за да ги „покрие“ неговите и семејствата на Брег, откако Трамп објави објава за неговата ќерка, која работеше за компанија која им помагаше на демократските кандидати во дигиталните кампањи.

Шоу биз

Сергеј Трифуновиќ се огласи прв пат по апсењето: Сега сум сосема друга личност

Српскиот актер Сергеј Трифуновиќ за првпат проговори откако на 18 април околу 20 часот беше уапсен на Вождовац во Белград.

Тој бил ослободен на 20 април, по сослушувањето во Вишото јавно обвинителство во Белград, кога му беше укинат притворот, објави Телеграф.

- Дури денес ми го вратија телефонот. Беше на вештачење кај надлежните, за да ги разоткрие другите членови на мојот нарко картел - почна Сергеј.

- Имам 6.000 пропуштени повици и пораки и би сакал да им се заблагодарам на сите за грижата и поддршката, поединечно тоа би траело со денови. Важно е да знаете дека правда постои во Србија и дека властите си ја вршат својата работа. И сега сум сосема друга личност. Преедуциран. Подобар. Спортист. Сите на избори - порача Трифуновиќ.

Сергеј, да потсетиме, бил приведен поради неколку грама недозволена дрога, што ја имал со себе при претрес.

Македонија

Битиќи: Патриотски ќе одиме кон повисоки плати и пензии, кон „Едно општество за сите“

„Ова зад мене е Спомен-костурницата, симбол на прогресивното и мултикултурно Куманово, темелот на АСНОМ-ска Македонија.“

„Градот кој во 2015 година го потресе трагедија која беше одраз на еден режим кој сакаше да ја скрши Македонија. Сеќавањата сè уште остро нè потсетуваат и опоменуваат на тие мрачни времиња кога ВМРО-ДПМНЕ ја држеше заробена државата во мрак исполнет со стравови“, вели во видео обраќање од Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Тој нагласува дека СДСМ седум години градеше општество на соживот, меѓусебно разбирање и почитување на различностите, притоа предупредувајќи дека „наследниците на режимот бараат повторно да се издигнат од пепелта, нивната шовинистичка политика повторно надвиснува над Македонија“.

Битиќи предупредува дека со ВМРО-ДПМНЕ и неговиот национализам постои опасност државата да се врати во периодот кога имаше поделби на етничка и религиозна основа.

„Со ВМРО-ДПМНЕ и нивниот национализам може само да се вратиме во времето кога вештачки се обидуваа да креираат поделби и раздори на етничка и религиозна основа. На овие парламентарни избори, секој глас за нив, е глас за времињата налик на тие од 11 години режим. Но наспроти нив, стоиме ние, СДСМ и Коалицијата за европска Македонија, со кои, патриотски, а не националистички, ќе одиме кон повисоки плати, повисоки пензии и пред сè, кон Едно општество за сите“, вели Битиќи, се наведува во партиското соопштение.

притисни ентер